বোকাজানৰ বৰপথাৰত ৫০ লাখ টকাৰ কানি জব্দ, দুজনক আটক

বোকাজান মহকুমাৰ বৰপথাৰ থানাৰ অন্তৰ্গত খাকৰাজানত আজি বৃহৎ পৰিমাণৰ কানিসহ দুই সৰবৰাহকাৰীক আটক কৰে আৰক্ষীয়ে ৷

আৰক্ষীৰ সূত্ৰ অনুসৰি এক গোপন খবৰৰ ভিত্তিত খাকৰাজানত ৩৯ নং ৰাষ্ট্ৰীয় ঘাইপথত তালচীৰ ব্যৱস্থা কৰা হয় ৷ সেই সময়তেই নগালেণ্ডৰ ডিমাপুৰৰ দিশৰ পৰা অহা জি.জে.১২এ.টি.৬১২৯ নম্বৰৰ এখন আলকতাৰা কঢ়িয়াই অনা টেংকাৰ তালাচী কৰোতেই ৪২ পেকেট কানি জব্দ কৰে, যাৰ ওজন ৪৫ কেজি ৷

কানিখিনি টেংকাৰখনৰ কেবিনত সোমোৱাই আনিছিল ৷ এই সংক্ৰান্তত আৰক্ষীয়ে টেংকাৰখনত অহা দুজন লোকক আটক কৰে ৷

আটকাধীন দুজন হ’ল ৰাজস্থানৰ বাবুলাল বিস্নি আৰু জালাৰাম বিস্নি ৷ আৰক্ষীৰ প্ৰাথমিক জেৰাত ব্যক্তি দুজনে কানিখিনি বাইহাটা চাৰিআলিত কোনো লোকক দিয়াৰ কথা আছিল বুলি জনাইছে ৷