ঈদৰ পৰিস্থিতিত পতাকা খোলাক লৈ উত্তপ্ত যোধপুৰ, আৰক্ষীক লক্ষ্য কৰি শিলাবৰ্ষণ

ঈদৰ আগৰ দিনাই সাম্প্রদায়িক অশান্তি (Communal Clash) সৃষ্টি হৈছিল ৰাজস্থানৰ (Rajasthan) যোধপুৰত । সোমবাৰে পৰশুৰাম জয়ন্তীৰ পৰাই আৰম্ভ হয় অশান্তি । এগৰাকী স্বাধীনতা সংগ্রামীৰ মূর্তিত পতাকা লগোৱাক লৈয়ে দুই ধর্মাৱলম্বীৰ মাজত সংঘৰ্ষ আৰম্ভ হয় । তাৰপাছতেই শিল দলিওৱা হয় আৰু পৰিস্থিতি অগ্নিগর্ভ হৈ উঠে । ঘটনাস্থলত আৰক্ষী উপস্থিত হয় কিন্তু তেওঁলোকো আহত হয় । পৰিস্থিতি নিয়ন্ত্ৰণ কৰিবলৈ বন্ধ জালোৰি গেট অঞ্চলৰ ইন্টাৰনেট সেৱা বন্ধ ৰখা হয় ।

ঘটনাৰ সূত্রপাত হয় সোমবাৰে মাজ নিশা । তিনি দিন ধৰি পৰশুৰাম জয়ন্তী পালন কৰা হৈছে যোধপুৰত । ৰাজস্থানৰ অতিৰিক্ত এডিজি হাৱা সিং ঘুমাৰিয়াই জনাইছে, “নমাজ পঢ়া ঠাইত পৰশুৰামৰ পতাকা লগোৱা আছিল । সেইবোৰ আঁতৰ কৰি ঈদৰ বাবে পতাকা লগাব বিচাৰে কিছুসংখ্যকে ।” এই ঘটনাৰ প্রতিবাদ কৰে অনেকে । তাৰ পাছতেই দুই গোষ্ঠীৰ মাজত সংঘর্ষ আৰম্ভ হয় ।

Rajasthan: Ruckus in Jodhpur's Jalori Gate area pic.twitter.com/6IGhmVmmPX

— ANI MP/CG/Rajasthan (@ANI_MP_CG_RJ) May 3, 2022

কিছু সময়ৰ ভিতৰত স্তব্ধও হৈ যায় এই অশান্তি । কিন্তু এই খবৰ বিয়পি পৰে চাৰিও দিশে । নিশাৰ ভিতৰতেই পুনৰ ঘটনাস্থলত জনসমাগম হয় । দুই পক্ষই শিল দলিওৱা আৰম্ভ কৰে । পৰিস্থিতি নিয়ন্ত্ৰণ কৰিবলৈ ঘটনাস্থলত আৰক্ষী উপস্থিত হয় । লাঠিচার্জ, কন্দোৱা গেছ ব্যৱহাৰ কৰি পৰিস্থিতি নিয়ন্ত্রণত আনে আৰক্ষীয়ে । নিশা এক বজাৰ পাছত বন্ধ কৰি দিয়া হয় ইন্টাৰনেট সেৱা ।

ৰাজস্থানৰ মুখ্যমন্ত্রী অশোক গেহলট যোধপুৰৰ ভূমিপুত্র । তেওঁ জনসাধাৰণক শান্ত থাকিবলৈ আবেদন জনাইছে । টুইট কৰি তেওঁ কয়, “দুই গোষ্ঠীৰ মাজত সংঘর্ষ অত্যন্ত দুর্ভাগ্যজনক । মই প্রশাসনক নির্দেশ দিছো যিকোনো প্ৰকাৰে হ‌ওক শান্তি ঘূৰাই আনক । যোধপুৰ অঞ্চলত সম্প্রীতি আৰু ভ্রাতৃত্বৰ অসাধাৰণ নিদর্শন আছে । সেই কথা মনত ৰাখি ম‌ই সকলোকে আবেদন জনাইছো যেন শান্তি বজায় ৰাখক । আইন শৃংখলা ৰক্ষা কৰিবলৈ সহায় কৰক ।”

जालौरी गेट, जोधपुर पर दो गुटों में झड़प से तनाव पैदा होना दुर्भाग्यपूर्ण है। प्रशासन को हर कीमत पर शांति एवं व्यवस्था बनाए रखने के निर्देश दिए हैं।

— Ashok Gehlot (@ashokgehlot51) May 3, 2022

আৰক্ষী সূত্রে খবৰ, সম্প্ৰতি পৰিস্থিতি স্বাভাৱিক হৈছে । ঈদ উপলক্ষে ঘটনাস্থল সংলগ্ন ঈদগাহত নমাজ পঢ়িব আহিব অনেকে, এনে সম্ভাৱনা আছিল । কিন্তু অশান্তিৰ সৃষ্টি নহ’বলৈ সেই অঞ্চলত কাকো প্ৰৱেশ কৰিব নিদিয়ে আৰক্ষীয়ে । এতিয়াও ইন্টাৰনেট সেৱা ঘূৰি অহা নাই । যোধপুৰৰ আৰক্ষী কমিছনাৰ নৱজ্যোতি গগৈয়ে কৈছে, পতাকা লগোৱা ঘটনাক লৈ ইতিমধ্যে তদন্ত আৰম্ভ হৈছে । এই ঘটনাৰ পাছত যোধপুৰৰ বিজেপি সাংসদ গজেন্দ্র সিং সেখাৱত ঘটনাস্থলত যায় । তেওঁক ঘেৰাও কৰি গেহলটৰ বিৰুদ্ধে শ্ল’গান দিয়ে স্থানীয় জনতাই । তথ্য অনুসৰি, ৰাজস্থানৰ বিজেপি বিধায়ক সূর্যকান্ত ব্যাসৰ ঘৰৰ সন্মুখত এটা বাইক জ্বলাই দিছে উত্তেজিত জনতাই ।