আজিৰ তাৰিখটো সমাজত নাৰী সুৰক্ষিত নহয়। নিতৌ সংঘটিত হৈছে এটাৰ পাছত আন এটা ধৰ্ষণৰ কাণ্ড। একাংশ পাষণ্ডৰ হাতত ধৰ্ষণৰ বলি হ’ব লগা হৈছে শিশুৰ পৰা বৃদ্ধালৈকে ।
ইয়াৰ মাজতে কামৰূপ জিলাৰ ছয়গাঁও সমষ্টিৰ গৰৈমাৰীত পুনৰ সংঘটিত হৈছে জঘন্য ধৰ্ষণ কাণ্ড ৷তথ্য অনুসৰি, অচিনাক্ত দুৰ্বৃত্তই ধৰ্ষণ কৰি ৰাজপথত পেলাই দলে এগৰাকী ১৫ বছৰীয়া কিশোৰীক ৷
আনহাতে গৰৈমাৰী আৰক্ষীৰ অনুসন্ধানত দৃৰ্বৃত্তৰূপী লম্পট ধৰ্ষণকাৰীৰ নাম আৰু মবাইল নম্বৰৰ সন্ধান লাভ কৰিছে যদিও বৰ্তমানলৈকে চিনাক্ত হোৱা নাই পাষণ্ডটোৰ প্ৰকৃত পৰিচয় ৷
এই জঘন্য কাণ্ডক কেন্দ্ৰ কৰি ছয়গাঁও সমষ্টিৰ লগতে কামৰূপ জিলাত তীব্ৰ চাঞ্চল্যৰ সৃষ্টি হৈছে ৷
উল্লেখ্য যে, গৰৈমাৰী বজাৰ এলেকাৰ হাতেম চৌধুৰী শিশু নিকেতনৰ ওচৰৰ গুমী-গৰৈমাৰী গড়কাপ্তানী পথৰ দাতিত মুমূৰ্ষ অৱস্থাত ৰাইজে উদ্ধাৰ কৰে কিশোৰী গৰাকীক ৷
পিছলৈ কিশোৰী গৰাকীক ততাতৈয়াকৈ গৰৈমাৰী সামূহিক স্বাস্থ্য কেন্দ্ৰত ভৰ্তি কৰোৱা হয় যদিও কিশোৰী গৰাকীৰ প্ৰচুৰ ৰক্তক্ষৰণ হোৱাত চিকিৎসকে কিশোৰী গৰাকীক উন্নত চিকিৎসাৰ বাবে গুৱাহাটী চিকিৎসা মহাবিদ্যালয়লৈ প্ৰেৰণ কৰে ৷
তথ্য অনুসৰি গৰৈমাৰী আৰক্ষীয়ে লম্পট ধৰ্ষণকাৰীক চিনাক্ত কৰিবলৈ তদন্ত অব্যাহত ৰাখিছে ৷
