Tomato Fever among Kids : আক্রান্ত শিশুৰ শৰীৰত ৰঙা ৰঙৰ বিলাহীৰ আকাৰৰ ফোঁহা দেখা গৈছে ।
খাদ্যত বিষক্রিয়াৰ ফলত ৫৮ জনৰ গুৰুতৰ অসুস্থতা আৰু হাস্পাতালত ভর্তিৰ ঘটনাযত দুশ্চিন্তাত কেৰালা । ছিগেলা বেক্টেৰিয়াৰ পৰা ঘটা ছিগেলোছিছ সংক্রমণক ৰোধ কৰাৰ চেষ্টা কৰাৰ সময়তে নতুন ৰহস্যময় ৰোগে দেখা দিছে কেৰালাত । নাম ৰহস্যজনক ! “টমেট’ ফ্লু”। স্থানীয় সংবাদ মাধ্যমৰ প্রতিবেদন অনুযায়ী ৮০ৰো অধিক শিশু এই ৰোগত আক্রান্ত হৈছে, যাক ‘টমেট’ ফিভাৰ’ বুলিও কোৱা হয় । এই ৰোগৰ সমস্ত ঘটনাই ঘটিছে কোল্লামত ।
টমেট’ ফ্লু কি ?
এইটো এটা বিৰল ভাইৰেল ৰোগ । ইয়াৰ ফলত ৰঙা ৰঙৰ ফোঁহা, ছালত জ্বলা আৰু ডিহাইড্রেছন ঘটে । দেখাত বিলাহীৰ দৰে ফোঁহা ওলোৱাৰ বাবেই এই ৰোগৰ নাম টমেট’ ফ্লু । টমেট’ জ্বৰত কেৰালাত পাঁচ বছৰৰ কম বয়সৰ শিশুসকলেই আক্রান্ত হৈছে ।
টমেট’ ফ্লু’ৰ লক্ষণ
আক্রান্ত শিশুসকলৰ শৰীৰত টমেট’ৰ আকাৰৰ ফোঁহা ওলাব পাৰে, যাৰ ৰং ৰঙা । অন্যান্য লক্ষণবোৰৰ ভিতৰত আছে প্রবল জ্বৰ, শৰীৰৰ বিষ, গাঁথি ফুলি যোৱা আৰু ক্লান্তি – প্ৰায় চিকুনগুনিয়াৰ দৰেই । দক্ষিণৰ এই ৰাজ্যৰ আৰিয়ানকাভু, আঁচল আৰু নেদুভাথুৰ পৰাও সংক্রমণৰ খবৰ পোৱা গৈছে ।
তামিলনাডু-কেৰালা সীমান্তত টহলদাৰী
প্রতিবেশী কেৰালাৰ এখন জিলাত টমেট’ ফ্লু সংক্রমণৰ বিৰুদ্ধে পদক্ষেপ হিচাপে চিকিৎসকৰ এটা দলে জ্বৰ, চৰ্মৰোগ আৰু অন্যান্য অসুস্থতাৰ উপসৰ্গ থকাসকলক কোয়েম্বাটুৰত আসছেন পৰীক্ষা কৰা হৈছে ।
দুজন মেডিকেল অফিচাৰে যাত্রীসকলক, বিশেষকৈ শিশুসকলক পৰীক্ষা কৰিবৰ বাবে দলৰ নেতৃত্ব দিছে । অংগনৱাড়ীবোৰত পাঁচ বছৰৰ কম বয়সীয়া শিশুসকলক পৰীক্ষা কৰিবৰ বাবে ২৪ জনীয়া সদস্যৰ এটা দলো গঠন কৰা হৈছে ।