ইউনিভাৰ্চিটি গ্রান্ট কমিছন বা UGC-এ এইবাৰ উচ্চশিক্ষা প্রতিষ্ঠানসমূহৰ পৰীক্ষাৰ্থীসমূহকো বাধ্যতামূলকভাৱে গৱেষকসকলৰ ভূমিকাত চাব বিচাৰে । কেন্দ্রীয় শিক্ষা মন্ত্রণালয়ৰ তৰফৰ পৰা এই বিষয়ত ইতিমধ্যে নির্দেশনা জাৰি কৰা হৈছে । নিৰ্দেশনা অনুযায়ী, স্নাতক স্তৰৰ শিক্ষাৰ্থীসকলেও গৱেষণাৰ বাবে ইন্টার্নশ্বিপৰ আবেদন জনাব লাগিব ।
নির্দেশনাত ইউজিচিৰ তৰফৰ পৰা কোৱা হৈছে, ২০২০ৰ ৰাষ্ট্ৰীয় শিক্ষানীতিৰ গাইডলাইন অনুসৰণ কৰি এই সিদ্ধান্ত লোৱা হৈছে । স্নাতক স্তৰৰ শিক্ষার্থীসকলক এইবাৰৰ পৰা এবছৰ শিক্ষাগ্ৰহণৰ পাছত চার্টিফিকেট দিয়া হ’ব । দুবছৰ পাছত লাভ কৰিব ডিপ্লমা । তাৰ বাবে আঠৰ পৰা ১০ সপ্তাহ ইন্টার্নশ্বিপ কৰিব লাগিব । ইণ্টাৰ্নশ্বিপত ১০ ক্রেডিট পইন্ট দিয়া হ’ব ।
ইচ্ছা কৰিলে ডিপ্লমা লাভ কৰাৰ পাছতো শিক্ষাত ইতি পেলাব পাৰে শিক্ষাৰ্থীসকলে । দ্বিতীয় আৰু চতুর্থ ষাণ্মাষিকৰ পাছত মুঠ দুবাৰ আঠৰ পৰা ১০ সপ্তাহ গৱেষণাৰ ইন্টার্নশ্বিপৰ পাছত সংশ্লিষ্ট শিক্ষাৰ্থী ডিগ্রী লাভৰ যোগ্য হ’ব বুলি নির্দেশনাত কোৱা হৈছে । কিছু মাহ আগতেই ইউজিচিৰ তৰফৰ পৰা পিএইচডি কৰাৰ নিয়ম-নীতি পৰিৱৰ্তন কৰিবৰ বাবেও এটা খচৰা প্রস্তাৱ তৈয়াৰ কৰা হৈছিল ।
২০১৬ৰ পিএইচডি ডিগ্রীৰ বাবে ন্যূনতম মান আৰু পদ্ধতি সংক্রান্ত বিধি সংশোধনত এই খচৰাত কোৱা হৈছিল, চাৰি বছৰৰ স্নাতক পর্যায়ৰ পৰীক্ষাত উত্তীর্ণ শিক্ষাৰ্থীসকলে পিএইচডি কৰিবলৈ থাকিব লাগিব ১০ৰ ভিতৰত ন্যূনতম ৭.৫ কিউমুলেটিভ গ্রেড পইন্ট এভাৰেজ ।
