আজি ভাৰতীয় বেডমিন্টনত ইতিহাস ৰচিলে ভাৰতে । ৭৩ বছৰত এয়ে প্রথমবাৰ ফাইনেলত সোণৰ পদক জয় কৰিলে ভাৰতৰ দলে । ইয়াৰ পূৰ্বে থমাছ কাপৰ ফাইনেলত ইতিহাস গঢ়িছিল ভাৰতীয় দলে ।
ইয়াৰ পূৰ্বে বেডমিন্টনৰ বিশ্বকাপ অর্থাৎ থমাছ কাপত ভাৰতৰ শ্ৰেষ্ঠ সাফল্যতা আছিল ১৯৫২, ১৯৫৯, আৰু ১৯৭৯ত ছেমিফাইনেলত যোৱা । সেই সময়ত ছেমিফাইনাললৈকে যায় যদিও পদক লাভ কৰা নাই ভাৰতে । পাঁচখন মেচৰ ভিতৰত প্রথম তিনিখন মেচ জয় কৰিয়ে প্রথমবাৰ থমাছ কাপত সোণ লাভ কৰিলে ভাৰতে ।
ভাৰতৰ এই সাফল্যত উচ্ছ্বসিত দেশৰ প্রধানমন্ত্রী নৰেন্দ্র মোদী । তেওঁ টুইটত নিজৰ উচ্ছ্বাস প্রকাশ কৰি লিখে, ‘ইতিহাস ৰচনা কৰিছে ভাৰতীয় বেডমিন্টন দলে ! ভাৰতৰ থমাছ কাপ জয়ত উচ্ছ্বসিত সমগ্ৰ দেশ ! আমাৰ যুঁজাৰু দলক অভিনন্দন আৰু ভৱিষ্যতৰ বাবে তেওঁলোকক শুভকামনা । এই জয়ে বহু আসন্ন ক্রীড়াবিদক অনুপ্রাণিত কৰিব ।’
The Indian badminton team has scripted history! The entire nation is elated by India winning the Thomas Cup! Congratulations to our accomplished team and best wishes to them for their future endeavours. This win will motivate so many upcoming sportspersons.
— Narendra Modi (@narendramodi) May 15, 2022
ইয়াৰ পূৰ্বে ১৪ বাৰ থমাছ কাপ জয় কৰিছে ইন্দোনেচিয়াই । এনে শক্তিশালী প্রতিপক্ষৰ বিৰুদ্ধে ফাইনেলৰ প্রথম মেচতেই জয় লাভ ভাৰতৰ ।
