বিশ্বত এতিয়া সম্পূৰ্ণৰূপে শেষ হোৱা নাই ক’ভিড-উদ্বেগ । ইয়াৰ মাজতে, চিন্তা বঢ়াইছে ‘মাংকি ভাইৰাছে’ । যোৱা ১০ দিনত সাতজন লোক এই ভাইৰাছত আক্ৰান্ত হোৱাৰ পাছত ‘মাংকি ভাইৰাছ’ক লৈ সতৰ্কতা জাৰি কৰিছে ব্ৰিটেইনৰ স্বাস্থ্যমন্ত্ৰকে ।
চিকিৎসক আৰু স্বাস্থ্য কৰ্মীসকলক উদ্দেশ্য দিয়া এটা বাৰ্তাত কোৱা হৈছে, যে ৰোগীৰ শৰীৰত অপৰিচিত যিকোনো ধৰণৰ আঘাত দেখিলে সাৱধান হোৱা উচিত।
মে’ৰ সাত তাৰিখে, লণ্ডনত প্ৰথম ‘মাংকি ভাইৰাছ’ ধৰা পৰিছিল। মানুহজন অলপতে নাইজেৰিয়াৰ পৰা উভতি আহিছিল। সেয়েহে, বিশেষজ্ঞসকলে অনুমান কৰে যে ব্যক্তিজন কোনোমতে আফ্ৰিকাত ভাইৰাছৰ সংস্পৰ্শলৈ আহিছিল।
কিন্তু বিশেষজ্ঞসকলে নিশ্চিত নহয় যে কেনেকৈ আৰু ছয়জন লোক এই ৰোগত আক্ৰান্ত হয়। সেইকাৰণে সমগ্ৰ ব্ৰিটেইনত এটা সতৰ্কবাণী জাৰি কৰা হৈছে। নতুনকৈ সংক্ৰমিত ৰোগীসকলৰ ভিতৰত চাৰিজন সমকামী পুৰুষ।
সেয়েহে, প্ৰশাসনে সমকামী পুৰুষসকলক বৰ্তমানৰ বাবে অতিৰিক্ত সাৱধান হ’বলৈ পৰামৰ্শ দিছে।
কি এই মাংকি পক্স ?
বিশেষজ্ঞসকলে কৈছে যে মাংকি পক্স হৈছে এক বিশেষ প্ৰকাৰৰ বসন্ত। জলবসন্ত বা গুটিবসন্ত তুলনামূলকভাৱে অতি পৰিচিত । গতিকে প্ৰতিকাৰটো তুলনামূলকভাৱে সহজ। কিন্তু এই মাংকি পক্স ভাইৰাছটো ইমান বিৰল যে এতিয়ালৈকে চিকিৎসকসকলে ভাইৰাছৰ দ্বাৰা প্ৰভাৱিত লোকসকলক আৰোগ্য কৰিবলৈ কোনো নিৰ্দিষ্ট চিকিৎসা নাজানে। ভাইৰাছটো মুখ্যতঃ পশ্চিম আৰু মধ্য আফ্ৰিকাৰ কিছুমান দেশত পোৱা যায়।
আক্ৰান্তসকলৰ লক্ষণবোৰ কি ?
(১) প্ৰাৰম্ভিক লক্ষণবোৰৰ ভিতৰত আছে জ্বৰ, মুৰৰ বিষ, পিঠি আৰু ডিঙিৰ বিষৰ দৰে লক্ষণ। কম্পন আৰু ভাগৰও থাকিব পাৰে।
(২) ইয়াৰ পাছত, শৰীৰৰ বিভিন্ন অংগ ফুলি যায়। মুখত সৰু দাগ দেখা যায়। গুটিবোৰ লাহে লাহে গোটেই শৰীৰত বিয়পি পৰে।
(৩)সৰু আই, বসন্ত, স্কার্ভি আৰু চিফিলিছৰ কিছুমান লক্ষণৰ এই ৰোগৰ লক্ষণবোৰৰ স’তে কিছু সাদৃশ্য থকা দেখা যায়। বহুলোকে এই ৰোগৰ প্ৰাৰম্ভিক লক্ষণবোৰ চিনাক্ত কৰাৰ ভুল কৰে।
সংক্ৰমণ কেনেদৰে বিয়পে ?
ভাইৰাছটো একাধিক বন্যপ্ৰাণীৰ জৰিয়তে বিয়পিব পাৰে। অৱশ্যে, ই সাধাৰণতে নিগনিৰ জৰিয়তে বিয়পে। ইয়াৰ উপৰিও, যদি আপুনি সংক্ৰমিত ব্যক্তিজনৰ ওচৰত থাকে, বিশেষজ্ঞসকলৰ মতে সংক্ৰমণৰ আশংকা বৃদ্ধি হ’ব পাৰে।
ভাইৰাছটো শ্বাসনলী, ঘা, নাক, মুখ বা চকুৰ জৰিয়তে স্বাস্থ্যৱান ব্যক্তিএজনৰ শৰীৰত প্ৰৱেশ কৰিব পাৰে বিশেষজ্ঞসকলৰ মতে, আক্ৰান্তৰ ব্যৱহাৰ কৰা কাপোৰৰ পৰাও সংক্ৰমণ বিয়পিব পাৰে।
