বিগত দুদিনত দৈনিক আক্রান্তৰ সংখ্যা দুহেজাৰৰ তলত থাকিলেও কেন্দ্রীয় স্বাস্থ্য মন্ত্রণালৰ তথ্য অনুযায়ী, বৃহস্পতিবাৰে সেয়া পুনৰ দুহেজাৰ অতিক্ৰম কৰিছে । বিগত ২৪ ঘণ্টাত দেশত দৈনিক সংক্রমিতৰ সংখ্যা ২,৩৬৪ । বুধবাৰে দৈনিক আক্রান্তৰ সংখ্যা আছিল ১,৮২৯ ।
কেন্দ্রীয় স্বাস্থ্য মন্ত্রণালয়ৰ ক’ভিড বুলেটিন অনুযায়ী, যোৱা ২৪ ঘণ্টাত ক’ভিডত আক্রান্ত হৈ মৃত্যু হৈছে ১০ জনৰ । ইয়াৰ ভিতৰত কেৰালাতেই মৃত্যু ছয়জনৰ, যি পাছত নথিভুক্ত কৰা হৈছে । ইয়াৰ উপৰি মহাৰাষ্ট্র, কর্নাটক, অন্ধ্রপ্রদেশ আৰু উত্তৰ প্রদেশত এজনৰ মৃত্যু হৈছে ।
বর্তমান ক’ভিড আক্রান্ত হৈ দেশত মুঠ মৃত্যুৰ সংখ্যা বাঢ়ি হৈছে পাঁচ লাখ ২৪ হেজাৰ ৩০৩ । তথ্য অনুযায়ী, বিগত ২৪ ঘণ্টাত সুস্থ হৈছে ২,৫৮২ জন ।
দৈনিক সংক্রমণৰ শীর্ষত ৰাজধানীক পিছ পেলালে কেৰালাই । বিগত ২৪ ঘণ্টাত কেৰালাত আক্রান্ত হৈছে ৫৯৬ জন । ইয়াৰ পাছতে আছে দিল্লী (৫৩২), মহাৰাষ্ট্র (৩০৭) আৰু হৰিয়ানা (২৫৭) ।
আন্দামান আৰু নিকোবৰ দ্বীপপুঞ্জ, ত্রিপুৰা, লক্ষদ্বীপ, দাদৰা আৰু নগৰ হবেলী আৰু দমন আৰু দিউ সম্প্ৰতি ক’ভিডমুক্ত । সমগ্ৰ দেশত এই পর্যন্ত ১৯১ কোটি ৭৯ লাখ ৯৬ হেজাৰ ৯০৫ টিকাকৰণ হৈছে ।
