ক’ভিড-উদ্বেগ এতিয়াও সম্পূৰ্ণৰূপে নাইকিয়া হোৱা নাই। এইবাৰ, ৰহস্যজনক ‘টমেট’ ফ্লু’ ৰ আক্ৰমণ ভাৰতত । তথ্য অনুসৰি কেৰালাৰ কোল্লাম জিলাত ৰহস্যজনক জ্বৰত কমেও ৮০ টা শিশু আক্ৰান্ত হৈছে।
কেৰালাৰ স্বাস্থ্য বিভাগৰ মতে, আক্ৰান্ত শিশুসকলৰ প্ৰায় সকলোৰে বয়স পাঁচ বছৰৰ তলৰ। বিশেষজ্ঞসকলে কৈছে যে এতিয়ালৈকে ৰোগটোৰ পৰা পৰিত্ৰাণ পাবলৈ কোনো নিৰ্দিষ্ট চিকিৎসা প্ৰক্ৰিয়া জনা নাযায়।
বৰ্তমানৰ বাবে, লক্ষণ-আধাৰিত চিকিৎসাৰ জৰিয়তে ৰোগীসকলক আৰোগ্য কৰাৰ চেষ্টা কৰা হৈছে। চিকিৎসাৰ লগতে, ৰোগটো বিয়পা প্ৰতিহত কৰিবলৈ ইতিমধ্যে এক সাৱধানতা মূলক অভিযান আৰম্ভ কৰা হৈছে।
একাধিক সংক্ৰামক ব্যাধি নিয়ন্ত্ৰণৰ অভিজ্ঞতা থকাৰ বাবে কেৰেলা প্ৰশাসনৰ তৰফৰ পৰা কামত লগোৱা হৈছে অংগনৱাড়ী কৰ্মীসকলক ।
কেৱল কেৰালাতে নহয় ,তামিলনাডুতো এক বিশেষ সতৰ্কবাণী জাৰি কৰা হৈছে। চুবুৰীয়া ৰাজ্যৰ পৰা অহা সকলো শিশুৰ পৰীক্ষা কৰা হৈছে।
কিন্তু কি এই ৰোগৰ লক্ষণ ?
বিশেষজ্ঞসকলে কয় যে এতিয়ালৈকে, শিশুসকলেই এই ৰোগত আক্ৰান্ত হৈছে। ৰোগীৰ শৰীৰত তীব্ৰ জ্বৰ, বিষ আৰু ক্লান্তি আদিৰ দৰে লক্ষণ দেখা যায়। ইয়াৰ উপৰিও, বেছিভাগ ৰোগীক সৰু ৰঙা ফোঁহা সদৃশ আঘাত শৰীৰত দেখা যায়। সৰু বিলাহীৰ দৰে এই ফোঁহাটো হৈছে ৰোগটোৰ কাৰণ যাক ‘টমেট’ ফ্লু’ বুলি কোৱা হয়। কিছুমান ক্ষেত্ৰত, বমি আৰু পেটৰ বিকাৰও দেখা যায়।
আৰোগ্য হোৱাৰ উপায়?
বিশেষজ্ঞসকলে কৈছে যে এতিয়া আতংকিত হোৱাৰ কোনো কাৰণ নাই। কিছুমান সাৱধানতা বজাই ৰাখি, এই ৰোগৰ প্ৰাদুৰ্ভাৱ প্ৰতিৰোধ কৰিব পাৰি। চিকিৎসকসকলে আৰম্ভণিতে যথেষ্ট পৰিমাণে পানী খাবলৈও পৰামৰ্শ দি আছে।
লগতে ল’ব লাগিব পৰ্যাপ্ত বিশ্ৰাম । শিশুসকলে যাতে কোনো ধৰণে এই ফোঁহাবোৰে এৰুৱাই নিদিয়ে তাৰ বিষয়েও চকু দিব লাগিব । চিকিৎসকসকলেও সতৰ্ক কৰি দিছে যে ফোঁহাবোৰ এৰুৱাই দিলে বিপদ হ’ব পাৰে ।
ইয়াৰ উপৰিও, চিকিৎসকসকলে সংক্ৰমণ বিয়পা প্ৰতিহত কৰিবলৈ পৰিষ্কাৰ পৰিচ্ছন্নতা আৰু সামাজিক দূৰত্ব বজাই ৰাখিবলৈ নিৰ্দেশনা দি আছে।