বিগত তিনি দিনত দেশত ক’ভিড সংক্রমিতৰ সংখ্যা আঠ হেজাৰৰ ওপৰতেই আছে । কেন্দ্রীয় স্বাস্থ্য মন্ত্রণালয়ে দিয়া তথ্য অনুযায়ী, বিগত ২৪ ঘণ্টাত ক’ভিডত আক্রান্তৰ সংখ্যা কমি হয় ৮,০৮৪ । দেওবাৰে এই সংখ্যা আছিল ৮,৫৮২ ।
দেশত দৈনিক সংক্রমণৰ শীর্ষে মহাৰাষ্ট্র । মহাৰাষ্ট্রত দৈনিক আক্রান্তৰ সংখ্যা তিনি হেজাৰৰ ওচৰা-ওচৰি । যোৱা ২৪ ঘণ্টাত মহাৰাষ্ট্রত দৈনিক সংক্রমিতৰ সংখ্যা ২, ৯৪৬ জন । ইয়াৰ পাছতে আছে কেৰালা । কেৰালাত দৈনিক আক্রান্তৰ সংখ্যা ২,৩১৯ । কেৰালাৰ পাছত দিল্লী (৭৩৫), কৰ্ণাটক (৪৬৩) আৰু হৰিয়ানা (৩০৪) ।
ক’ভিড বুলেটিন অনুযায়ী, বিগত ২৪ ঘণ্টাত ক’ভিডত আক্রান্ত হৈ মৃতৰ সংখ্যা ১০ । ইয়াৰ ভিতৰত কেৰালা আৰু ৰাজধানীত তিনিজন আৰু মহাৰাষ্ট্রত দুজনৰ মৃত্যু হৈছে । ইয়াৰ উপৰি পঞ্জাৱ আৰু মিজোৰামত এজনৰ মৃত্যু হৈছে । দেওবাৰে ক’ভিডত আক্রান্ত হৈ মৃতৰ সংখ্যা আছিল চাৰি ।
পৰিসংখ্যা অনুযায়ী, ক’ভিডত আক্রান্ত হৈ ভাৰতত মৃতৰ সংখ্যা বাঢ়ি হৈছে পাঁচ লাখ ২৪ হেজাৰ ৭৭১ । বিগত ২৪ ঘণ্টাত দৈনিক সংক্রমণৰ হাৰ ৩.২৪ শতাংশ । কেন্দ্রীয় স্বাস্থ্য মন্ত্রণালয়ৰ ক’ভিড বুলেটিন অনুযায়ী, যোৱা ২৪ ঘণ্টাত ৪,৫৯২ জন ক’ভিডৰ প্রকোপৰ পৰা সুস্থ হৈ উঠিছে । এই পর্যন্ত দেশজুৰি সুস্থ হৈ উঠিছে চাৰি কোটি ২৬ লাখ ৫৭ হেজাৰ ৩৩৫ জন । সমগ্ৰ ভাৰতত এই পর্যন্ত ১৯৫ কোটি ১৯ লাখ ৮১ হেজাৰ ১৫০ টিকাকৰণ হৈছে ।