সাধাৰণ বিমা ক্ষেত্রত বেচৰকাৰীকৰণৰ পথ প্রশস্ত কৰিবলৈ বিগত বৰ্ষত বৰ্ষাকালীন অধিবেশনত ধ্বনি ভোটত বিল পাছ কৰিছিল নৰেন্দ্র মোদী চৰকাৰে । তথ্য অনুসৰি তাৰ পাছৰ পৰাই সাধাৰণ বিমা (জীৱনবিমাৰ বাহিৰে অন্যান্য বিমা ক্ষেত্র আৰু স্বাস্থ্যবিমা) সেৱাৰ ব্যয় ঊর্ধ্বমুখী হৈছে ।
বিমা নিয়ন্ত্রক সংস্থা আইআৰডিএআই-ৰ তৰফৰ পৰা জনোৱা হৈছে জীৱনবিমাৰ বাহিৰে অন্যান্য বিমা ক্ষেত্রত ব্যয় প্রায় ২৪ শতাংশ বাঢ়িছে । চলিত বছৰৰ মে’ৰ পৰিসংখ্যা অনুযায়ী, বর্ধিত প্রিমিয়ামৰ বাবে বিমা সংস্থাবোৰৰ সংগ্রহৰ পৰিমাণ হৈছে ১৫,৪০৪ কোটি টকাৰো অধিক । ২০২১ৰ মে’ত প্রিমিয়ামৰ বাবদ সংগ্রহৰ অংক আছিল প্রায় ১২,৪২৪ কোটি টকা ।
আইআৰডিএআই-ৰ প্ৰতিবেদন অনুযায়ী, ২৫টা সাধাৰণ বিমা সংস্থাই চলিত বছৰৰ মে’ত প্রায় ১৩,৫৬৬ কোটি টকা প্রিমিয়াম সংগ্রহ কৰিছে । বিগত মে’ত যি আছিল ১০,৯৫৪ কোটি টকা । আনহাতে, চলিত মে’ত পাঁচটা বেচৰকাৰী স্বাস্থ্যবিমা সংস্থা সংগৃহীত প্রিমিয়াম প্রায় ১,৭০৯ কোটি টকা ।
যোৱা মে’ত যি আছিল ১,৩৮২ কোটি । দুটা ৰাাষ্ট্রায়ত্ত বিমা সংস্থাই চলিত বছৰত মে’ত ১২৯ কোটি টকাৰো অধিক প্রিমিয়াম পাইছে । বিগত মে’ত যি আছিল ৮৭ কোটি ।
