বিগত কিছু দিন ধৰি কৰ’না ভাইৰাছৰ দপ্দপনিৰ পাছত মঙলবাৰে দেশত কিছু হ্ৰাস পালে ক’ভিড সংক্রমণ । কে’বা দিনৰ পাছত দেশত দৈনিক কৰ’না আক্রান্তৰ সংখ্যা ১০ হেজাৰৰ তলত নামিল । বিগত ২৪ ঘণ্টাত ভাৰতত নতুনকৈ সংক্রমিত হৈছে ন হেজাৰ ৯২৩ জন । সোমবাৰে এই সংখ্যা আছিল ১২ হেজাৰ ৭৮১ । কালিতকৈ সংক্রমণৰ হাৰ ২২.৪ শতাংশ কমিছে ।
কেন্দ্রীয় স্বাস্থ্য মন্ত্রণালয়ৰ পৰিসংখ্যা অনুযায়ী, এদিনত দেশত নতুনকৈ কৰ’নাত মৃত্যু হৈছে ১৭ জনৰ । মুঠ মৃত্যুৰ সংখ্যা পাঁচ লাখ ২৪ হেজাৰ ৮৯০ । সম্প্ৰতি ভাৰতত মুঠ সক্রিয় কৰ’না আক্রান্তৰ সংখ্যা ৭৯ হেজাৰ ৩১৩ । বিগত ২৪ ঘণ্টাৰ ক’ভিডমুক্ত হৈছে সাত হেজাৰ ২৯৩ জন । দেশত সুস্থতাৰ হাৰ ৯৮.৬১ শতাংশ ।
দেশৰ ভিতৰতে পাঁচ ৰাজ্যত সংক্রমণে চিন্তা বঢ়াইছে । কেৰালাত নতুনকৈ সংক্রমিত হৈছে দুহেজাৰ ৭৮৬ জন । ইয়াৰ পাছত আছে মহাৰাষ্ট্র । তাত আক্রান্তৰ সংখ্যা দুহেজাৰ ৩৫৪ । দিল্লীত এদিনত আক্রান্ত এহেজাৰ ৬০ জন। তামিলনাডুত সংক্রমিত ৬৮৬ জন । হাৰিয়ানাত সংক্রমিতৰ সংখ্যা ৬৮৪ ।
