দেশজুৰি কৰ’নাৰ দৈনিক সংক্রমণৰ লেখচিত্র নিম্নমুখী হৈছে যদিও বিগত ২৪ ঘণ্টাত ১৬ শতাংশ বাঢ়ি ২০ হেজাৰৰ ওচৰা-ওচৰি হৈছে । কেন্দ্রীয় স্বাস্থ্য মন্ত্রণালয়ে দিয়া ক’ভিড বুলেটিন অনুযায়ী, বিগত ২৪ ঘণ্টাত দৈনিক আক্রান্তৰ সংখ্যা বাঢ়ি হ’ল ১৯,৮৯৩ । বুধবাৰে এই সংখ্যা আছিল ১৭,১৩৫ ।
দেশত দৈনিক সংক্রমণৰ ৰাজ্যভিত্তিক তালিকাৰ শীর্ষত আছে কর্নাটক । বিগত ২৪ ঘণ্টাত কর্নাটকত দৈনিক আক্রান্তৰ সংখ্যা ২,১৩৬ । ৰাজধানীত দৈনিক সংক্রমিতৰ সংখ্যা দুই হেজাৰ অতিক্ৰম কৰিছে । বিগত ২৪ ঘণ্টাত দিল্লীত দৈনিক আক্রান্তৰ সংখ্যা ২,০৭৩ । ক’ভিড বুলেটিন অনুযায়ী, ইয়াৰ পাছতে আছে মহাৰাষ্ট্র (১,৯৩২), কেৰালা (১,৪৪৯), তামিলনাডু (১,২৮৮) আৰু গুজৰাট (১,০৫৯) । পশ্চিমবংগত বিগত ২৪ ঘণ্টাত সংক্রমিতৰ সংখ্যাও হেজাৰৰ ওচৰা-ওচৰি । পশ্চিমবংগত দৈনিক আক্রান্তৰ সংখ্যা ৯১১ । লক্ষদ্বীপত সম্প্ৰতি ক’ভিডত দৈনিক আক্রান্তৰ সংখ্যা শূন্য ।
বিগত ২৪ ঘণ্টাত দেশৰ দৈনিক সংক্রমণৰ হাৰ বাঢ়ি হ’ল ৪.৯৪ শতাংশ । বুধবাৰে দৈনিক সংক্রমণৰ হাৰ আছিল ৩.৬৯ শতাংশ । কেন্দ্রীয় স্বাস্থ্য মন্ত্রণালয়ৰ পৰিসংখ্যা অনুযায়ী, বিগত ২৪ ঘণ্টাত ক’ভিড আক্ৰান্ত হৈ ২০,৪১৯ জন ব্যক্তি সুস্থ হৈছে । দেশজুৰি সুস্থ হৈছে চাৰি কোটি ৩৪ লাখ ২৪ হেজাৰ ২৯ জন । বর্তমান সুস্থতাৰ হাৰ ৯৮.৫০ শতাংশ ।
কেন্দ্রীয় স্বাস্থ্য মন্ত্রণালয়ৰ ক’ভিড বুলেটিন অনুযায়ী, বিগত ২৪ ঘণ্টাত ক’ভিডত আক্রান্ত হৈ মৃত্যু হৈছে ৫৩ জনৰ । ইয়াৰ ভিতৰত বিগত ২৪ ঘণ্টাত কেৰালাতেই ১৬ জন লোকৰ মৃত্যু হৈছে । তদুপৰি মহাৰাষ্ট্রত সাতজন, দিল্লীত পাঁচজন, পশ্চিমবংগ, অসম আৰু হিমাচল প্রদেশত চাৰিজন লোক ক’ভিডত আক্রান্ত হৈ মৃত্যু হৈছে ।
ইয়াৰ উপৰি উত্তৰাখণ্ড আৰু পঞ্জাৱত তিনিজন, কর্নাটকত দুজন আৰু জম্মু আৰু কাশ্মীৰ, মেঘালয়, চণ্ডীগড়, উত্তৰ প্রদেশ আৰু তামিলনাডুত ক’ভিডত আক্রান্ত হৈ এজনকৈ লোকৰ মৃত্যু হৈছে । বুধবাৰে এই সংখ্যা আছিল ৪৭ । পৰিসংখ্যা অনুযায়ী, ক’ভিডত আক্রান্ত হৈ ভাৰতত মৃতৰ সংখ্যা বাঢ়ি হৈছে পাঁচ লাখ ২৯ হেজাৰ ৯৩ । এই পর্যন্ত দেশত ২০৫ কোটি ২২ লাখ ৫১ হেজাৰ ৪০৮ টিকাকৰণ হৈছে ।