ৰাজ্য চৰকাৰে মৃত্যুঞ্জয় সেৱালৈ পুনৰ আগবঢ়াই নতুকৈ ১৫০ খন নতুন বেচিক লাইফ চাপৰ্ট এম্বুলেঞ্চ ৷ মুখ্যমন্ত্ৰী ড: হিমন্ত বিশ্ব শৰ্মাই আজি জনতা ভৱনত ফ্লেগ অফ কৰি আনুষ্ঠানিক ভাবে উন্মোচন কৰে ৮৩ খন বি এল এচ এম্বুলেঞ্চ আৰু ১৫০ খন নতুন বেচিক লাইফ চাপৰ্ট এম্বুলেঞ্চ সেৱা ৷
মুখ্যমন্ত্ৰী হিমন্ত বিশ্ব শৰ্মাই উদ্বোধনী ভাষণত কয় যে,বিগত ২০০৮ চনৰ পৰা এই ১০৮ সেৱা আৰম্ভ হৈছিল আৰু বতৰ্মান এই সেৱা ৰাজ্যত অব্যাহত আছে ৷ সম্প্ৰতি ৰাজ্যৰ স্বাস্ব্য খণ্ডত প্ৰায় ৮০০ খন ১০৮ এম্বুলেঞ্চে ১৯ লাখ গৰ্ভৱতী মহিলাক সুবিধা প্ৰদান কৰি আহিছে৷স্বাস্থ্য খণ্ডত যি সমুহ বেচৰকাৰী সন্হাই কাম কৰি আছে তেওঁলোককো ব্যৱহাৰ হৈ নথকা এম্বুলেঞ্চে সমুহ দিবলৈ আহ্বান জনাই স্বাস্থ্য বিভাগক৷ মুখ্যমন্ত্ৰী গৰাকীয়ে ধুবুৰী মেডিকেল কলেজক ইতিমধ্যে মেডিকেল কাউন্সিলে স্বীকৃতি দিছে ইয়াৰ লগে লগে এতিয়া ৰাজ্যত স্বীকৃতিপ্ৰাপ্ত মুঠ মেডিকেল কলেজৰ সংখ্যা হ’লগৈ ন খন হ’ল বুলিও ভাষণত উল্লেখ কৰে ৷
আনহাতে, গুৱাহাটী নতুন এখন মেডিকেল কলেজ স্হাপন কৰা হ’ব ৷ তদুপৰি আয়ুস্মান ভাৰতৰ দৰে আয়ুস্মান অসম নামৰ এক নতুন আঁচনি এখন আৰম্ভ কৰাৰ কথাও প্ৰকাশ কৰে মুখ্যমন্ত্ৰী গৰাকীয়ে ৷ উপলক্ষে আয়োজিত অনুষ্ঠানটোত স্বাস্থ্যমন্ত্ৰী কেশৱ মহন্ত সহ উচ্চ পদস্থ বিষয়া-বৰ্গ উপস্থিত থাকে ।