দেশৰ স্বাধীনতা ৭৬ সংখ্যক দিৱস উদযাপনৰ বাবে দেশৰ প্ৰতিগৰাকী নাগৰিকে ১৩আগষ্ট পৰা ১৫ আগষ্টলৈ নিজৰ বাসগৃহত ত্ৰিৰংগা পতাকা উত্তোলনৰ বাবে প্ৰধানমন্ত্ৰী নৰেন্দ্ৰ মোদীয়ে হৰ ঘৰ ত্ৰিৰংগা অভিযান আৰম্ভ কৰিছিল৷এই অভিযানৰ প্ৰতি ব্যাপক সহাৰি জনায় দেশবাসীয়ে ৷
এই সন্দৰ্ভত দেশৰ অগ্ৰণী ব্যৱসায়ী সন্হা কনফেডাৰেশ্বন অৱ অল ইণ্ডিয়া ট্ৰেডাৰ্ছ চমুকৈ চি এ আই টি য়ে ত্ৰিৰংগা পতাকা বিক্ৰীৰ এক সমীক্ষা দাঙি ধৰিছে ৷ প্ৰধানমন্ত্ৰী হৰ ঘৰ ত্ৰিৰংগা অভিযানে এইবাৰ দেশত ৩০ কোটিকৈও বেছি ত্ৰিৰংগা বিক্ৰীৰে প্ৰাই ৫০০ কোটি টকাৰ ব্যৱসায় হয় ৷ কিন্ত ইয়াৰ পূৰ্বৰ বৰ্ষ সমুহত ব্যৱসায় আছিল ১৫০-২০০ কোটি টকা ৷
ভাৰতীয় উদ্যোগী সকলে যোৱা ২০ টা দিনত ৩০ কোটিৰো অধিক ত্ৰিৰংগা নিমাৰ্ণ কৰি এক অভিলেখ সৃষ্টিৰে নিজৰ সামথ্য দাঙি ধৰে বুলিও প্ৰকাশ কৰে চি এ আই টি য়ে৷ একেদৰে নিমাৰ্ণত জড়িত হৈছিল ১০ লাখৰো অধিক লোক ৷
