মহানগৰীৰ সৰুসজাইৰ ইন্দিৰা গান্ধী ষ্টেডিয়ামত আজিৰ পৰা আৰম্ভ হ’ব এছিয়া মহাদেশৰ প্ৰথম আৰু বিশ্বৰ তৃতীয় পুৰণি ১৩১ সংখ্যক ডুৰাণ্ড কাপ ফুটবল টুৰ্নামেণ্ট ৷ বিয়লী৫-৩০ বজাত অনুষ্ঠিত হ’বলগীয়া আকৰ্ষণীয় টুৰ্নামেণ্ট খেলখনত প্ৰতিদ্বন্দ্ব্বিতা কৰিব নৰ্থ ইষ্ট ইউনাইটেড বনাম ওড়িশা ফুটবল ক্লাব৷ ডুৰাণ্ড কাপৰ ১৩১ তম সংস্কৰণত প্ৰথমে অৱতৰণ কৰিব উৰিষ্যা এফ চি য়ে আৰু তাৰ পিছত থাকিব কেৰালা ব্লাষ্টাৰ্ছ । উল্লেখ্য যে গুৱাহাটীয়ে প্ৰথমবাৰৰ বাবে ডুৰাণ্ড কাপ ফুটবল চেম্পিয়নশ্বিপ আৰম্ভ কৰিছে৷ই সৰুসজাই ইন্দিৰা গান্ধী এথলেটিকছ ষ্টেডিয়ামত গ্ৰুপ ‘ডি’ ৰ ১০ খন খেল অনুষ্ঠিত হ’ব ৷
উত্তৰ পূৰ্ব একমাত্ৰ ফুটবল টিম নৰ্থ ইষ্ট ইউনাইটেড এফ চিয়ে আজি উদ্বোধনী খেলখনত মুখামুখি হ’ব উৰিষ্যা এফ চিৰ৷ সন্ধিয়া পাঁচ বজাৰ পৰা খেলৰ আৰম্ভৰ পূৰ্বে অনুষ্ঠিত হ’ব সাংস্কৃতিক অনুষ্ঠান৷ জনপ্ৰিয় গায়ক অংগৰাগ পাপন মহন্তই প্ৰস্তুত কৰি উলিওৱা ১৩১সংখ্যক ইণ্ডিয়ান অইল ডুৰাণ্ড কাপ ফুটবলৰ থীম ছংটো স্বয়ং পাপন আৰু মণিপুৰৰ প্ৰথিতযশা শিল্পী ৰেৱবান মাচাংৱাই পৰিবেশন কৰিব৷একেদৰে প্ৰদৰ্শিত হ’ব বিহু নৃত্য আৰু আৰ্মি বেণ্ডৰ লহৰ ৷
৪-৩০ বজাত হ’ব লগা উদ্বোধনী অনুষ্ঠানত মুখ্য অতিথি ৰূপে উপস্থিত থাকিব মুখ্যমন্ত্ৰী ড:হিমন্ত বিশ্ব শৰ্মা, অসম আৰক্ষী আৰু ভাৰতীয় সেনা আৰু অসম চৰকাৰৰ শীৰ্ষ বিষয়াই ৷ ডুৰাণ্ড কাপ ফুটবল উপভোগ কৰিবৰ বাবে আগ্ৰহী দৰ্শক সকলে সৰুচাজাই ক্ৰীড়া কমপ্লেক্স আৰু এছএআই ক্ৰীড়া কমপ্লেক্সত টিকট বিক্ৰীৰ ব্যৱস্থা কৰা হৈছে ৷ তিনি প্ৰকাৰৰ টিকটৰ ব্যৱস্থা থকা টিকট সমুহৰ মুল্য নিৰ্ধাৰণ কৰা হৈছে ক্ৰমে ৫০ টকা,১০০ টকা আৰু ২৫০ টকা ৷
১৩১সংখ্যক সংস্কৰণৰ ডুৰাণ্ড কাপ ফুটবল প্ৰতিযোগিতা সমুহৰ গ্ৰুপ লীগ মেচবোৰ অনুষ্ঠিত হ’ব মণিপুৰৰ ৰাজধানী,নাইটি আৰু কলকাতাত অনুষ্ঠিত হ’ব ৷একেদৰে কোৱাৰ্টাৰ ফাইনেল, ছেমিফাইনেল আৰু ফাইনেল খেলৰ লগতে গ্ৰুপ ‘এ: আৰু ‘বি’মেচো অনুষ্ঠিত হ’ব কলকাতাতে ৷ গ্ৰুপ ‘চি’মেচ অনুষ্ঠিত দ’ব মণিপুৰত৷গুৱাহাটী খেলিব লগা গ্ৰুপ’ডি’ৰ টিম পাঁচটা হ’ল নৰ্থ ইষ্ট ইউনাইটেডএফ চি, ওড়িছা এফ চি, ছুডেবা দিল্লী এফচি, কেৰলা ব্লাষ্টাৰ্ছ এফ চি আৰু আৰ্মী গ্ৰীন ৷