ঢকুৱাখনা ৰাজনৈতিক, সামাজিক ক্ষেত্ৰখনৰ এক প্ৰসিদ্ধ ব্যক্তিত্ব, ১১২নং ঢকুৱাখনা বিধানসভা সমষ্টিৰ বিধায়ক নৱ কুমাৰ দলেৰ পিতৃ পৰমানন্দ দলেৰ আজি বিয়োগ ঘটে । বহুদিন ধৰি ৰোগত আক্ৰান্ত হৈ আছিল প্ৰবীণ ৰাজনীতিকজন । শনিবাৰে তেওঁ শ্বাস-প্ৰশ্বাসত অসুবিধা অনুভৱ কৰাত তেওঁক হেঙেৰাবাৰীস্থিত নিজা বাসভৱনৰ পৰা দিছপুৰ পলিক্লিনিকত ভৰ্তি কৰা হৈছিল ।
নিশা আই চি ইউত চিকিৎসাধীন হৈ থকাৰ সময়তে দেওবাৰে পুৱা স্বাস্থ্যৰ দ্ৰুত অৱনতি ঘটে আৰু চিকিৎসাধীন অৱস্থাতে দেওবাৰে দুপৰীয়া প্ৰায় এক বাজি ৩৫ মিনিটত শেষ নিশ্বাস ত্যাগ কৰে ৰিজনীতিক দলেই ।