গুৱাহাটী বিশ্ববিদ্যালয়ৰ উপাচাৰ্যৰ নাম লৈ অধ্যাপকৰ পৰা লাখ লাখ টকা লুট কৰা খবৰে ৰাজ্যজুৰি চাঞ্চল্যৰ সৃষ্টি কৰাৰ সময়তে পুনৰ এইবাৰ অনলাইন প্ৰৱঞ্চকৰ জালত পৰিল ধুবুৰী জিলাৰ উপায়ুক্ত ।
অনলাইন প্ৰৱঞ্চকৰ এটা দলে ধুবুৰী জিলাৰ উপায়ুক্ত অম্বামুথন এম পিৰ নামত আমাজন গিফট কাৰ্ড ক্ৰয় কৰি দিয়াৰ কথা কৈ উপায়ুক্ত কাৰ্যালয়ৰ কৰ্মচাৰীৰ লগতে কেইবাজনো অতিৰিক্ত উপায়ুক্তলৈ মেচেজ প্ৰেৰণ কৰিছে ।
জানিব পৰা মতে প্ৰতিটো গিফট কাৰ্ডৰ মূল্য ১০ হাজাৰ টকা হোৱাৰ লগতে প্ৰতিজন কৰ্মচাৰী তথা অতিৰিক্ত উপায়ুক্তক ১১ টাকৈ গিফট কাৰ্ড কিনি দিব বুলি মেচেজ প্ৰেৰণ কৰিছে এই দুষ্ট চক্ৰই ।
জিলা উপায়ুক্ত গৰাকীয়ে এই সম্পৰ্কে খবৰ লাভ কৰাৰ লগে লগেই সকলোকে সতৰ্ক হোৱাৰ আহ্বান জনোৱাৰ লগতে এইয়া এক অনলাইন প্ৰৱঞ্চকৰ ধন ঘটাৰ কৌশল বুলি স্পষ্ট কৰি দিয়ে ।