Jakarta Train Accident:
দৈনিক অগ্ৰদূত ডিজিটেল ডেক্স:-ইণ্ডোনেছিয়াত ভয়ংকৰ ৰে’ল দুর্ঘটনা ৷দুখন ৰে’লৰ মাজত সংঘটিত মুখামুখি সংঘৰ্ষত নিহত হয় ১৪ যাত্ৰী। দুৰ্ঘটনাটোত আহত হয় ৮৪ যাত্ৰী।
দেশখনৰ ৰাজধানী চহৰ জাকাৰ্টাৰ পৰা প্ৰায় ২৫ কিলোমিটাৰ দূৰত্বত থকা বেকাছি টাইমুৰ ষ্টেচনৰ ওচৰত সংঘটিত হয় শোকাৱহ দুৰ্ঘটনাটি ৷ বেকাছি টাইমুৰ ষ্টেচনৰ ১ নং ট্ৰেকত চিকাং অভিমুখি এখন ৰে’ল ৰৈ থকাৰ সময়তে একেটা ট্ৰেকতে বিপৰীত দিশৰ পৰা অহা এখন মালবাহী ট্ৰেইন আহি প্ৰচণ্ড খুন্দা মাৰে ৷ ফলত চিকাং অভিমুখি ৰে’ল খনৰ ১৪ যাত্ৰী থিতাতে মৃত্যু হোৱাৰ বিপৰীতে আহত হয় প্ৰায় ৮৪ যাত্ৰী ৷ দুৰ্ঘটনাটো ইমানেই ভয়াৱহ আছিল যে চিকাং অভিমুখি যাত্ৰীবাহী ট্ৰেইন সহ মালবাহী ৰে’ল খন বিধ্বস্ত হৈ পৰে । ঘটনাৰ পিছতে ঘটনাস্থলীত উপস্থিত হোৱা উদ্ধাৰকাৰী দলে ডবা কাটিহে যাত্ৰী সকলক উদ্ধাৰ কৰে ৷আহত যাত্ৰী সকলক ততাতৈয়াকৈ প্ৰেৰণ কৰা হয় চিকিৎসালয়লৈ ৷