শিক্ষাক্ষেত্রত ব্যয়ৰ লগতে সন্তানপালনৰ সামগ্রিক ব্যয়ৰ পৰিমাণ বৃদ্ধি পোৱাৰ বাবে চীনত বিগত এক দশকত অলপ অলপকৈ জন্মহাৰ কমিছিল, ক’ভিডে য’ত ইন্ধন যোগাইছিল বুলি জনালে চীনৰ ‘নেছনেল হেল্থ কমিছন’এ । লগতে বিয়াৰ হাৰো কমিছে ।
এই প্ৰতিবেদন অনুযায়ী, আর্থিক আৰু সামাজিক— দুই দিশৰ পৰাই দ্রুত পৰিৱর্তন হৈছে চীন । যাৰ বাবেই হয়তো এই পৰিণতি । সমীক্ষাত প্ৰকাশ পাইছে, অধিকাংশ মহিলাই বিয়াৰ পৰিকল্পনা পিছুৱাই দিছে । আগৰ তুলনাত মাতৃত্ব গ্রহণ কৰাৰ পৰিকল্পনাও পিছুৱাই দিছে অনেকে । তদুপৰি, কমবয়সৰসকলৰ বৃহৎ চহৰত গৈ থকাৰ প্রৱণতা বাঢ়িছে । উচ্চশিক্ষা শেষ কৰাতেই বহু সময় পাৰ হৈ যায় তেওঁলোকৰ । তাৰ পাছত কামৰ চাপৰ ফলতো প্রভাৱ পৰিছে তেওঁলোকৰ পৰিয়ালৰ পৰিকল্পনাৰ ওপৰত ।
বিশেষজ্ঞসকলৰ একাংশৰ মতে, চীনৰ কঠোৰ জিৰো-ক’ভিড নীতিও দম্পতিসকলৰ সন্তান জন্ম দিয়াৰ ইচ্ছা কমাই দিছে । আনকি বিয়াৰ আয়োজনৰ ক্ষেত্রতো ইয়ৰ বৃহৎ প্রভাৱ পৰিছে।
প্রসংগত, সম্প্রতি এটা প্ৰতিবেদনত প্ৰকাশ পাইছে যে, চলিত বৰ্ষত চীনৰ নিম্নগামী জন্মহাৰে অভিলেখ গঢ়িব । যাক লৈ বিশেষ চিন্তিত প্রশাসন ।