আমাৰ চাৰিওপাশতেই আছে এনে বহু গছ-বন, যিবোৰৰ ভেষজ গুণ বহুমাত্রিক । শিপা, কাণ্ড বা পাত ব্যৱহাৰ কৰি বহু সমস্যাৰ পৰা পাব পাৰে ৰেহাই । তেনে এজোপা গছ হৈছে লেমন বাম । গছজোপা খুব বেছি পৰিচিত নহ’লেও যিসকলে বাগান কৰিবলৈ ভাল পায়, তেওঁলোক অনেকেই গছজোপাৰ সম্পর্কে অৱগত । ইউৰোপ, উত্তৰ আমেৰিকা আৰু পশ্চিম এছিয়াৰ বহু দেশত এই গছ দেখা যায় ।
বিজ্ঞানসম্মত নাম, মেলিছা অফিচিনালিছ । বিশ্বৰ বিভিন্ন প্রান্তত ছালৰ সমস্যা হ্ৰাস কৰিবলৈ আৰু দৈনন্দিন বিভিন্ন সমস্যাৰ পৰা মুক্তি পাবলৈ এই পাত ব্যৱহাৰ কৰা হয় ।
কি কি কামত আহে লেমন বাম ?
ব্রণ হ্ৰাস কৰিবলৈ
লেমন বামত জীৱাণুনাশক আৰু প্রদাহনাশক গুণ আছে । ফলত মুখৰ ক্ষত আৰু জ্বলা-যন্ত্রণাৰ সমস্যা কমায় এই ভেষজে । বিশেষকৈ ব্রণৰ সমস্যা কমাবলৈ অনেকেই এই পাত ব্যৱহাৰ কৰে । মুখৰ অতিৰিক্ত তৈলাক্ত ভাব দূৰ কৰিবলৈও বেচ কার্যকৰ এই পাত । পানীত উতলাই সেই পানীৰে মুখ ধুব পাৰে ।
বয়সৰ ছাপ কমাবলৈ
ছালৰ কোষত ৰক্ত সঞ্চালন বৃদ্ধি কৰে লেমন বামে । কোষত ৰক্তসঞ্চালন ভাল হ’লে বলিৰেখাৰ সমস্যা দূৰ হয় । বয়সৰ ছাপ কমে । ছাল টান্ কৰি ৰাখিবলৈ আৰু স্বাভাৱিক ৰং ঘূৰাই অনাতো সহায় কৰে লেমন বাম গছৰ পাতে ।
ছানস্ক্রিন
লেমন বামত কেফেইক আৰু ৰোজমাৰিনিক এচিড নামে দুটা উপাদান থাকে । এই দুই উপাদানে ছালক ৰ’দৰ পৰা ৰক্ষা কৰাত সহায় কৰে । সেয়ে প্রাকৃতিক ছানস্ক্রিন হিচাপে এই পাত ব্যৱহাৰ কৰিব পাৰে । অতিবেঙুনীয়া ৰশ্মিৰ প্রভাৱত হোৱা ছালৰ ক্ষতি ৰোধ কৰাত সহায়ক লেমন বাম ।
পোক-পৰুৱা দূৰত ৰাখে
যিহেতু ডেংগী, চিকুনগুনিয়াৰ হাৰ বাঢ়িছে, সেয়ে মহৰ কামোৰৰ পৰা বাচিব পাৰিলেই ৰক্ষা । লেমন বামৰ পাত পিহি শৰীৰত লগালে, পোক-পৰুৱা দূৰত থাকে । অৱশ্যে এই পেষ্ট মুখত নলগাব ।
