Rice:✒️দুবেলা দুসাঁজ বুলি ক’লে ভাতকে বুজোৱা হয়। ভাত বিশ্বজুৰি স্বীকৃত এক প্ৰচুৰ স্বাস্থ্যসম্মত খাদ্য। ভাতে শৰীৰক প্ৰচুৰ শক্তি যোগান ধৰাৰ লগতে ইয়াৰ স্বাস্থ্যসন্মত বহু গুণ আছে। মুগা, ৰঙা বা ক’লায়েই হওক চাউলে হৃদপিণ্ডৰ স্বাস্থ্য, খাদ্য হজম প্রক্রিয়া সুস্থ-সবল কৰাৰ লগতে মধুমেহৰ আশংকাও হ্রাস কৰে।
পৰিমিতভাবে দুবেলা দুসাঁজ গ্রহণ কৰিলে আছেনিকৰ আশংকাও হ্রাস পায়।বিশেষজ্ঞসকলৰ মতে ভাত কেৱল এবিধ মূল আহাৰেই নহওক, ই এক সাংস্কৃতিক কষতিশিল হোৱাৰ লগতে বিশ্বৰ অর্ধেক লোকৰ বাবে এক পৰিপুষ্টিজনিত শক্তিৰ ভঁৰাল।
ভাৰতত পোৱা সুগন্ধি বাচমতি চাউলৰ পৰা জাপানত পোৱা আঠালেটিয়া চাউললৈ, মুঠতে পৃথিৱীৰ অধিকাংশ মহাদেশতে ভাত মূল খাদ্যত পৰিণত হৈছে।
কিন্তু আপুনি জানেনে দুবেলা দুসাঁজে আপোনাৰ স্বাস্থ্যৰ প্ৰতি কি অৱদান আগবঢ়ায়? ভাতে স্বাস্থ্য সুস্থ সবল কৰেনে? বাই এক সুপ্ত বিপদ? এই প্রশ্নৰ উত্তৰ নিৰ্ভৰ কৰিছে আপুনি কি চাউলৰ ভাত নিয়মিতভাবে গ্রহণ কৰে।
বিশেষজ্ঞসকলৰ মতে বগা চাউলৰ ভাতে মধুমেহজনিত ৰোগ সৃষ্টিৰ আশংকা বৃদ্ধি কৰে। ইয়াৰ বিপৰীতে মুগা, ৰঙা আৰু ক’লা চাউলে স্বাস্থ্যৰ প্ৰচুৰ উন্নতিসাধন কৰে। গতিকে ভাতৰ উপকাৰিতা আৰু উপকাৰিতা সম্পর্কে কেতবোৰ মতামত আগবঢ়াইছে বিশেষজ্ঞসকলে।
ভাতে শৰীৰ শক্তিৰে পূৰ্ণ কৰে:চাউলৰ মূল উপাদান হ’ল কার্ব’হাইড্রেট। কার্বহাইড্রেট হ’ল শৰীৰৰ মূল শক্তিৰ উৎস। অর্থাৎ ভাতে শক্তিৰ ইন্ধনৰ কাম কৰে। বিশেষকৈ যিসকলে গোটেই দিন সক্ৰিয়তাৰে বা শাৰীৰিক-মানসিক পৰিশ্ৰম কৰি সময় অতিবাহিত কৰে সেইসকলৰ বাবে ভাত হৈছে সর্বোৎকৃষ্ট ইন্ধন। মগজুৱেও ভাতৰ ওপৰত গ্লু’কজৰ ওপৰত ঘাইকৈ নিৰ্ভৰ কৰে। বিশেষজ্ঞসকলৰ মতে মুগা ৰঙৰ চাউলে শৰীৰক অধিক শক্তি যোগান ধৰে। এনে চাউলৰ ভাত সোনকালে হজম হয়। কিন্তু এই চাউলে তেজত শৰ্কৰাৰ পৰিমাণ বৃদ্ধি কৰে।
মুগা চাউলে হৃদযন্ত্র সবল কৰে:বিশেষজ্ঞসকলৰ মতে মুগা চাউলৰ ভাত নিতৌ খালে হৃদজনিত স্বাস্থ্য সুস্থ সবল হয়। ইয়াৰ সমান্তৰালভাৱে এনে চাউলৰ ভাতে ৰক্তচাপ হ্রাস কৰে। তদুপৰি হার্টএটেক আৰু ষ্ট্ৰ’কৰ আশংকাও এনে চাউলৰ ভাতে হ্রাস কৰে। মুগা চাউলত প্ৰচুৰ পৰিমাণে মেগনেছিয়ামো পোৱা যায়। মেগনেছিয়ামে হৃদযন্ত্ৰৰ ধ্বনি আৰু ৰক্তবাহিকাৰ কাৰ্য সম্পাদনত সহায় কৰে।
মধুমেহ-২ৰ আশংকা হ্রাস কৰে: হার্ভার্ড বিশ্ববিদ্যালয়ৰ গৱেষকসকলৰ মতে মুগা ৰঙৰ চাউলৰ ভাত খোৱাৰ অভ্যাস গঢ়ি তুলিলে মধুমেহ-২ৰ আশংকা ১৬ শতাংশ পর্যন্ত হাস পায়। ইয়াৰ বিপৰীতে নিতৌ বগা চাউলৰ ভাত খালে মধুমেহৰ আশংকা ১৭শতাংশ বৃদ্ধি পায়।
মুগা চাউলে হজমী শক্তি বৃদ্ধি কৰে: মুগা চাউলত অদ্রবণীয় আঁহ পোৱা যায়। এই আঁহে হজমী শক্তি বৃদ্ধি কৰে। তদুপৰি এই চাউলে কোষ্ঠকাঠিন্য প্ৰতিৰোধ কৰে আৰু অন্ত্ৰৰ স্বাস্থ্য সবল কৰে। বিশেষজ্ঞসকলৰ মতে ৰংযুক্ত চাউলত প্ৰচুৰ এন্টিঅক্সিডেন্টো পোৱা যায়। এনে চাউলত পোৱা অক্সিডেণ্টৰ পৰিমাণ বগা বা মুগা চাউলতকৈ অধিক হয়। এই অক্সিডেন্টে শৰীৰৰ প্রদাহ হ্রাস কৰে। পৰীক্ষাগাৰৰ গৱেষণাত উদ্ধাৰ হোৱা তথ্য অনুসৰি ৰংযুক্ত চাউলত কর্কট প্রতিৰোধী উপাদানো থাকে। এনে উপাদানে স্তনৰ কৰ্কট আৰু ৰক্ত কৰ্কটৰ বিৰুদ্ধে যুঁজ কৰে।
ভাতৰ স’তে কি কি খাব লাগে?
মুগা চাউলত আছেনিকৰ পৰিমাণ অধিক থাকে বুলি কোৱা হয়। ইয়াৰ মুগা ৰঙৰ আৱৰণি পুষ্টিদায়ক হ’লেও এই চাউলে শৰীৰত আছেনিক মজুত কৰিব পাৰে। গতিকে চাউল সলনাসলনিকৈ খোৱাৰ অভ্যাস গঢ়ি তোলাৰ পৰামৰ্শ আগবঢ়াইছে বিশেষজ্ঞসকলে। বিশেষজ্ঞসকলৰ মতে সলনাসলনিকৈ বিভিন্ন ধৰণৰ চাউলৰ ভাত খালে শৰীৰত শৰ্কৰাৰ পৰিমাণ নিয়ন্ত্রণত থাকে।
একেদৰে স্বাস্থ্যৰ হানিকাৰক উপাদান শৰীৰত জমা হোৱাটো প্ৰতিৰোধ কৰে এনে অভ্যাসে। এই ক্ষেত্ৰত আটাইতকৈ গুৰুত্বপূৰ্ণ কথাটো হ’ল যে ভাতৰ স’তে প্ৰচুৰ পৰিমাণে সেউজীয়া শাক-পাচলি গ্ৰহণ কৰিব লাগে। বিশেষকৈ গাজৰ, মটৰ, ব্রকলি আদি খাব লাগে। একেদৰে জলফাই তেল গ্ৰহণ কৰিব লাগে।
অনুৰূপ ধৰণে ডাল কচু, মুৰ্গিৰ মাংস, মাছ, মচুৰ দাইল আদি নিয়মিতভাৱে খোৱাৰ অভ্যাস গঢ়ি তুলিব লাগে। তদুপৰি কম ছডিয়ামযুক্ত আহাৰ, নাৰিকল আদি খাব লাগে। গাজৰৰ হালোৱাও স্বাস্থ্যৰ বাবে উপকাৰী। আমেৰিকান কেমিকেল ছ’চাইটিৰ মতে ভাত ৰন্ধাৰ সময়ত চাউল পাত্ৰত ঢলাৰ পূৰ্বে পাত্রটোত চাহ চামুচৰে এচামুচ নাৰিকল দিব লাগে।
তাৰ পাছতে পাত্রটো ১২ ঘণ্টাৰ বাবে ফ্ৰিজত ৰাখিব লাগে। এই প্রক্রিয়াই ভাতত শ্বেতসাৰৰ পৰিমাণ বৃদ্ধি কৰে। ই স্বাস্থ্যৰ বাবে উপকাৰী। বিশেষজ্ঞসকলে কয় যে সদায়ে উচ্চ আঁহ আৰু উচ্চ প্র’টিনযুক্ত খাদ্য খাব লাগে। এনে খাদ্যই শৰীৰত আঁহ,এন্টিঅক্সিডেন্ট আৰু মেগনেছিয়াম আৰু মেংগানিজৰ দৰে প্ৰয়োজনীয় খনিজ দ্ৰব্যৰ পৰিমাণ বৃদ্ধি কৰে। মুগা ৰঙৰ চাউলৰ ভাতে হৃদপিণ্ডৰ স্বাস্থ্য উন্নত কৰাৰ লগতে তেজত চেনিৰ পৰিমাণ নিয়ন্ত্ৰণ কৰে।