Neel Pawan Baruah :
বিশিষ্ট চিত্ৰশিল্পী, অসমৰ অন্য এক বৰেণ্য ব্যক্তিত্বৰ অধিকাৰী নীলপৱন বৰুৱাৰ মৃত্যুত গভীৰ শোক প্ৰকাশ কৰিছে অসম প্ৰদেশ কংগ্ৰেছ কমিটীৰ সভাপতি ভূপেন কুমাৰ বৰাই ।
ই অসমীয়া জাতিৰ বাবে আন এটা অতি দুৰ্ভাগ্যজনক বতৰা বুলি অভিহিত কৰি বৰাই কয় যে, বৰেণ্য চিত্ৰশিল্পী নীলপৱন বৰুৱাক অসমীয়া জাতিয়ে তেওঁৰ শিল্পকৰ্ম আৰু বিৰল ব্যক্তিত্বৰ বাবে চিৰদিন শ্ৰদ্ধাৰে স্মৰণ কৰিব ।
বিশিষ্ট চিত্ৰশিল্পী নীলপৱন বৰুৱা দেৱৰ মৃত্যুৰ খবৰ পায় মৰ্মাহত। চিত্ৰশিল্পৰ যোগেদি তেখেতে অসমৰ কলাৰ ক্ষেত্ৰ খন সমৃদ্ধ কৰি আহিছিল। নীলপৱন বৰুৱা দেৱৰ আত্মাৰ চিৰশান্তি কামনা কৰাৰ লগতে পৰিয়ালবৰ্গ ,গুণগ্ৰাহী সকলক মোৰ গভীৰ সমবেদনা জ্ঞাপন কৰিছোঁ আৰু বিদেহ আত্মাৰ সদ্গতি কামনা কৰিছোঁ। pic.twitter.com/ag4UlV2Sje
— Bhupen kumar Borah (@BhupenKBorah) October 28, 2022
কংগ্ৰেছ সভাপতি বৰাই প্ৰয়াত নীলপৱন বৰুৱাৰ বিদেহ আত্মাৰ চিৰশান্তি কামনা কৰে আৰু তেওঁৰ শোকদগ্ধ পৰিয়াল তথা অগণন গুণমুগ্ধৰ প্ৰতি আন্তৰিক সমবেদনা জ্ঞাপন কৰে ।
