Sharddha Walkar Murder Case :
তিহাৰ কাৰাগাৰত ২৪ ঘণ্টা চিচিটিভি কেমেৰাৰ নিৰীক্ষণত ৰখা হৈছে শ্ৰদ্ধা ৱাকাৰৰ হত্যাৰ গোচৰৰ মূল অভিযুক্ত আফতাব আমিন পুনাৱালাক ।
শনিবাৰে, দিল্লীৰ চাকেত জিলা আদালতে তেওঁক ১৩ দিনৰ ন্যায়িক জিম্মালৈ প্ৰেৰণ কৰে। তাৰ পাছত তেওঁক তিহাৰ কাৰাগাৰলৈ লৈ যোৱা হয় ।
প্ৰাপ্ত তথ্য অনুসৰি, আফতাবক তিহাৰ কাৰাগাৰ নং চাৰি-ত ৰখা হৈছে। তিহাৰ কাৰাগাৰৰ এই কক্ষটো তেওঁলোকৰ বাবে যিসকলে অপৰাধ কৰাৰ পাছত প্ৰথমবাৰৰ বাবে কাৰাগাৰলৈ আহে।
আফতাব কোঠাটোত অকলে আছে। তেওঁক চিচিটিভি কেমেৰাৰ জৰিয়তে নিৰীক্ষণ কৰা হৈছে। কাৰাগাৰ কৰ্তৃপক্ষই এক মুহূৰ্তৰ বাবেও আফতাবৰ পৰা চকু আঁতৰাব নিবিচাৰে ।
শনিবাৰে ভিডিঅ’ কনফাৰেন্সৰ জৰিয়তে আফতাবক আদালতত হাজিৰ কৰোৱা হয়। ইয়াৰ পূৰ্বে শুকুৰবাৰে তেওঁ দিল্লীৰ ৰোহিণী অঞ্চলৰ ফৰেনচিক বিজ্ঞান গৱেষণাগাৰত পলিগ্ৰাফ পৰীক্ষা কৰাই।
অভিযোগ কৰা হৈছে যে প্ৰায় আঠ ঘণ্টা ধৰি পলিগ্ৰাফ পৰীক্ষাৰ প্ৰতিটো পৰ্যায়ত ফৰেনচিক বিশেষজ্ঞৰ প্ৰশ্নৰ সন্মুখীন হোৱাৰ আগতে আফতাবে নিজকে প্ৰায় ‘সাজু’ কৰি ৰাখিছিল।
সূত্ৰ অনুসৰি, পলিগ্ৰাফ পৰীক্ষাৰ সময়ত কাহৰ বাবে সঠিকভাবে নহ’ল। তেওঁৰ পলিগ্ৰাফ পুনৰ পৰীক্ষা কৰা হ’ব। একে সময়তে, সংবাদ সংস্থা এএনআইৰ মতে, আফতাবৰ নাৰ্কো বিশ্লেষণ সোমবাৰে, ২৮ তাৰিখে কৰা হ’ব পাৰে।
আফতাবৰ বিৰুদ্ধে মুখ্য অভিযোগটো হ’ল যে তেওঁ প্ৰেমিকা আৰু লিভ-ইন সঙ্গী শ্ৰদ্ধা ৱাকাৰক হত্যা কৰি তেওঁৰ শৰীৰটো টুকুৰা টুকুৰ কৰি পেলাই দিয়ে ।
আৰক্ষীয়ে জনোৱা অনুসৰি, আফতাবে তেওঁলোকৰ ওচৰত হত্যাৰ কথা স্বীকাৰ কৰিছে। কিন্তু তেওঁৰ দোষ প্ৰমাণ কৰাটো দিল্লী আৰক্ষীৰ বাবে এক প্ৰত্যাহ্বান হৈ পৰিছে।
