BBC Journalist Beaten :
আন্তর্জাতিক সংবাদ সংস্থা বিবিচি-ৰ এজন সাংবাদিকক গ্রেপ্তাৰ কৰিছে চীনৰ আৰক্ষীয়ে । তেওঁ চীনত চৰকাৰৰ ক’ভিড-নীতিৰ বিৰুদ্ধে জনগনৰ বিক্ষোভৰ বাতৰি যুগুতাবলৈ গৈছিল ।
দেওবাৰে বিবিচি-ৰ তৰফৰ পৰা দাবী কৰা হৈছে তেওঁলোকৰ কর্তব্যৰত সাংবাদিকক প্ৰহাৰ কৰিছে চীনৰ আৰক্ষীয়ে । তেওঁক গ্রেপ্তাৰো কৰা হৈছে ।
চীনত ছি জিনপিং চৰকাৰৰ ক’ভিড-শূন্য নীতিৰ বিৰুদ্ধে পথত নামিছে সাধাৰণ জনতা । দেওবাৰে বেইজিং আৰু ছাংহাইৰ পথত শতাধিক লোকে বিক্ষোভ প্ৰদৰ্শন কৰে । তাতে খবৰ সংগ্রহ কৰিবলৈ গৈছিল বিবিচি-ৰ সাংবাদিকজন ।
তেওঁক আৰক্ষীয়ে বাধা দিয়ে বুলি অভিযোগ । ছাংহাইৰ পৰা তেওঁক গ্রেপ্তাৰ কৰা হৈছে । আৰক্ষীৰ জিন্মাত সাংবাদিকক মাৰধৰ কৰাৰ অভিযোগো উত্থাপন হৈছে জিনপিং চৰকাৰৰ বিৰুদ্ধে ।
বিবিচি-ৰ তৰফৰ পৰা এক বিবৃতি দি জনোৱা হৈছে, ‘‘বিবিচি-ৰ সাংবাদিক এড লৰেন্সৰ স’তে চীনা আৰক্ষীৰ আচৰণক লৈ আমি শংকিত । ছাংহাইত চৰকাৰ-বিৰোধী বিক্ষোভৰ খবৰ সংগ্রহ কৰিবলৈ গৈছিল তেওঁ । তেওঁক আৰক্ষীয়ে বাধা দিয়ে । হেণ্ডকাফ পিন্ধাই সাংবাদিকক গ্রেপ্তাৰ কৰি লৈ যোৱা হৈছে ।’’
上海乌鲁木齐路 民众高喊
共产党 下台！
这是迄今为止最为激进的口号。 pic.twitter.com/ijP7lxnIgH— 李老师不是你老师 (@whyyoutouzhele) November 26, 2022
বিবিচি-ৰ তৰফৰ পৰা চীনত সাংবাদিকতা কৰে লৰেন্সে । তেওঁক গ্রেপ্তাৰ কৰাৰ পাছত দীর্ঘ সময় ধৰি আটক কৰি ৰখা হৈছিল বুলি অভিযোগ । আৰক্ষী জিন্মাত তেওঁক মাৰধৰ কৰাৰ দাবী বিবিচি-ৰ ।
অভিযোগ লৰেন্সৰ ওপৰত চীনৰ আৰক্ষীয়ে লাঠি চালনা কৰিছে । কে’বা ঘণ্টা পাছত তেওঁক মুকলি কৰা হয় ।
বিবিচি-য়ে তেওঁলোকৰ বিবৃতিত জনাইছে ‘‘আমাৰ কর্তব্যৰত সাংবাদিকক যিদৰে আক্রমণ কৰা হৈছে আমি আতংকিত । চীনৰ চৰকাৰে আমাৰ পৰা এই বিষয়ত এই পর্যন্ত ক্ষমা বিচৰা নাই দুখপ্রকাশ কৰা নাই । উলোটাই আৰক্ষীয়ে দাবী কৰিছে জনতাৰ ভিৰত সাংবাদিকৰ শৰীৰত ক’ভিড সংক্রামিত হ’ব পাৰে বুলি আৰক্ষীয়ে তেওঁক তাৰ পৰা আঁতৰাই লৈ আনে ।’’
চীনত ক’ভিড পৰিস্থিতি যথেষ্ট উদ্বেগজনক । দেওবাৰে তাত ক’ভিড সংক্রমণে নতুন অভিলেখ গঢ়িছে । এদিনত আক্রান্ত হৈছে ৪০ হেজাৰ ৩৪৭ জন । এনে পৰিস্থিতিত কঠোৰ তলাবন্ধ আৰু ‘ক’ভিড-শূন্য’ নীতি অৱলম্বন কৰিছে চৰকাৰে । যাৰ বিৰুদ্ধে বিক্ষোভত নামিছে দেশৰ জনসাধাৰণ ।
দিনৰ পাছত দিন গৃহবন্দী হৈ থাকি জনসাধাৰণ বিৰক্ত হৈছে । লগতে দীর্ঘ কোৱোৰেণ্টাইন আৰু ক’ভিড পৰীক্ষা কৰা বাঞ্চনীয় । দেওবাৰে চৰকাৰৰ নীতিৰ বিৰুদ্ধে প্রতিবাদ জনাবলৈ ৰাজপথত ওলাই আহিছিল বহু জনসাধাৰণ । ছাংহাইৰ পথত শ্ল’গান দিয়ে, ‘‘ছি জিনপিং, পদত্যাগ দিয়ক ।’’
