Bajpai Bhawan:
ৰাজ্যৰ বিধানসভা নিৰ্বাচনলৈ মাজত মাত্ৰ ডেৰটা মাহ থকা অৱস্থাত শাসকীয় বিজেপি দলে ব্যাপক কুজকাৱাজ চলোৱাৰ মাজতে জনজাতিকৰণত ক্ষেত্ৰত বিজেপিৰ আওকণীয়া মনোভাৱকোলৈ ক্ষোভিত হৈ পৰিছে কোঁচ ৰাজবংশী জনগোষ্ঠীয় সংগঠন সমূহ । সোমবাৰে ক্ষোভৰ বহিপ্ৰকাশ ঘটে ৷ জনজাতিকৰণৰ দাবীত ৰাজ্যিক বিজেপিৰ কাৰ্যালয় বাজপেয়ী ভৱনৰ সন্মুখত তীব্ৰ প্ৰতিবাদ কাৰ্যসূচী ৰূপায়ণ কৰে সদৌ কোঁচ ৰাজবংশী ছাত্ৰ সন্থাই ৷ আৰক্ষীৰ কটকটীয়া নিৰাপত্তা বেষ্টনী মাজত থকা বাজপেয়ী ভৱনৰ কতৃত্বপ্ৰাপ্ত বিষয়ববীয়াৰ হাতত কে’বাটাও দাবী সম্বলিত স্মাৰক পত্ৰ প্ৰদান কৰে আক্ৰাছু নেতৃত্বই ৷
আনহাতে প্ৰতিবাদী কাৰ্যসূচীত অংশ লৈ আক্ৰাছুৰ এগৰাকী জ্যেষ্ঠ নেতাই কয়,আগন্তুক বিধানসভা নিৰ্বাচনৰ বাবে বিজেপিয়ে প্ৰস্তুত কৰিবলগীয়া নিৰ্বাচনী ইষ্টাহাৰৰ পৰা জনজাতিকৰণৰ প্ৰতিশ্ৰুতি আঁতৰাবলৈ দাবী কৰে ৷ একেদৰে আগন্তুক বিধান সভা নিৰ্বাচনত নিজ ধৰণে সমূচিত উত্তৰ দিব কোচ ৰাজবংশী ৰাইজে ৷ জনজাতিকৰণৰ নামত বাৰে বাৰে প্ৰতৰণাৰ বলি হোৱা কোচ ৰাজবংশী ৰাইজে এইবাৰ তেওঁলোকৰ খেল দেখুৱাব।