Bharat jodo yatra :
ভাৰত জোড়ো যাত্রাত (Bharat Jodo Yatra) সাত দিন কটায়েই মৰি যাম যেন অনুভৱ হৈছে – বিস্ফোৰক মন্তব্য কৰিলে মধ্যপ্রদেশৰ প্রাক্তন মুখ্যমন্ত্রী কমল নাথে (Kamal Nath) ।
এই মন্তব্যৰ ভিডিঅ’ প্রকাশ্যত অহাৰ পাছতেই চাঞ্চল্যৰ সৃষ্টি হৈছে ৰাজনৈতিক মহলত । কংগ্রেছক কটাক্ষ কৰি বার্তা দিছে বিজেপি-য়ে ।
প্রসংগত, কিছুদিন পূৰ্বে ৰাহুল গান্ধীয়ে (Rahul Gandhi) কয়, ভাৰত জোড়ো যাত্রাত অংশগ্ৰহণ কৰি প্রচুৰ খোজকাঢ়িলেও কোনো বিশেষ সমস্যাত পৰা নাই ।
কিন্তু কমলৰ এই মন্তব্যৰ পাছত বিজেপিৰ দাবী, মানুহক জোৰ কৰি এই যাত্রাত খোজকাঢ়িবলৈ বাধ্য কৰিছে ৰাহুল গান্ধীয়ে ।
ভাৰত জোড়ো যাত্রাৰ নিয়ম অনুযায়ী, প্রতিদিনে পুৱা ছয় বজাৰ পৰা খোজকঢ়া হ’ব । দিনত প্ৰায় ২৪ কিলোমিটাৰ খোজকাঢ়িব লাগিব প্রত্যেক যাত্রীৰে ।
এইদৰে একেৰাহে সাতদিন কটাই মধ্যপ্রদেশৰ মুখ্যমন্ত্রীৰ ভাব হৈছে, তেওঁ হয়তো মৰিও যাব পাৰে ।
ইন্দৌৰত পণ্ডিত প্রদীপ মিশ্রৰ স’তে দেখা কৰিবলৈ গৈছিল কংগ্রেছ নেতাগৰাকী । তাতেই তেওঁ কয়, “মইতো সাতদিন মৰিছো । যাত্রাৰ দুটা নিয়ম- পুৱা ছয় বজাৰ পৰা খোজকঢ়া আৰম্ভ কৰা ।
धर्म और जनजातीय समाज के प्रति राहुल गांधी जी का पाखंड कमलनाथ जी के वायरल वीडियो में खुद उनकी जुबानी बयां हो रहा है।
राहुल बाबा से ये अपील भी करता हूं कि अपने इवेंट की सफलता के लिए शारीरिक रूप से असमर्थ अपने ही लोगों को जबरन 'बलि का बकरा' न बनाएं। pic.twitter.com/daiT96enuH
— Dr Narottam Mishra (@drnarottammisra) November 30, 2022
কমেও ২৪ কিলোমিটাৰ খোজকাঢ়িবই লাগিব ।” এই ভিডিঅ’ ভাইৰেল হৈ পৰাৰ পাছতেই বিভিন্ন মহলত সমালোচনাৰ আলোড়ন উঠে ।
ৰাহুল গান্ধীক আক্রমণৰ সুযোগ এৰা নাই বিজেপিয়েও । কমল নাথৰ ভিডিঅ’ৰ উত্তৰত এটা টুইট কৰে মধ্যপ্রদেশৰ গৃহমন্ত্রী নৰোত্তম মিশ্রই ।
প্রাক্তন মুখ্যমন্ত্রীৰ জাতি পৰিচয় উল্লেখ কৰি তেওঁ কয়, “জাতি আৰু ধর্মৰ ভিত্তিত ভেদাভেদ কৰে ৰাহুল গান্ধীয়ে । পিছপৰা জাতিৰ প্রতি তেওঁৰ মানসিকতা কেনেকুৱা, সেই বিষয় ফাদিল কৰিছে কমল নাথে । মই ৰাহুল বাবাক আবেদন কৰিছো, নিজৰ যাত্রাক সকলোৰে আগত সফল প্রমাণ কৰিবলৈ গৈ অন্যক অসুবিধাত নেপেলাব । যিসকল শাৰীৰিকভাৱে সক্ষম নহয়, তেওঁলোকক বলিৰ পাঠা নবনাব ।”
প্রসংগত, ভাৰতৰ একাধিক বিশিষ্ট নাগৰিকে ভাৰত জোড়ো যাত্রাত যোগ দিছে । সেয়ে ৰাহুল গান্ধীয়ে কয়, দেশজুৰি প্রায় দুহেজাৰ কিলোমিটাৰ পথ খোজকাঢ়িও তেওঁ ক্লান্ত হোৱা নাই । তেওঁৰ সহযাত্রীসকলো সুস্থ-সবল হৈ আছে ।
কিছুদিন পূৰ্বে ৰাহুলে কৈছিল, এই যাত্রা কেৱলমাত্র ৰাজনৈতিক কাৰ্যসূচী নহয় । তেওঁৰ বাবে এই যাত্রা ব্যক্তিগত । নিজকে আৰু এই ‘সুন্দৰ’ দেশখনক ভালকৈ বুজাই তেওঁৰ এই যাত্রাত অংশ লোৱাৰ উদ্দেশ্য ।
এই যাত্রাত অংশ লৈ তেওঁৰ আঠুৰ সমস্যাও কমি গৈছে বুলি দাবী কৰিছিল কংগ্রেছ সাংসদজনে । অৱশ্যে মধ্যপ্রদেশৰ নেতাৰ মন্তব্যত যথেষ্ট অস্বস্তিত পৰিব ৰাহুল ।
