Gokul Basumatari :
সোনাৰী থানাত সতীৰ্থৰ গুলীচালনাত প্ৰাণ হেৰুওৱা গকুল বসুমতাৰীৰ নশ্বৰদেহ আজি নগাঁৱৰ চামগুৰিৰ বাসগৃহলৈ অনা হয়। জোৱানজনৰ মৃতদেহ বাসগৃহলৈ অনাৰ পিছতে বিৰাজ কৰে এক শোকাকুল পৰিৱেশ ৷
গকুল বসুমতাৰীৰ নশ্বৰদেহ এবাৰ স্বচক্ষে প্ৰত্যক্ষ কৰিবলৈ গৃহগাওঁ খনত লোকে লোকাৰণ্য হৈ পৰে ৷ অকালতে বৈধব্যক আকোঁৱালি লোৱা পত্নী আৰু পৰিয়ালৰ লোকে হত্যাকাৰীক উচিত শাস্তিৰ দাবী তোলে।
উল্লেখ্য যে মঙলবাৰে দীপক কাকতি নামৰ এজন সতীৰ্থই আৰক্ষী জোৱানে কৰ্তব্যৰত অৱস্থাতে গকুল বসুমতাৰীক শূন্য দূৰত্বৰ নিৰ্বিচাৰ গুলীচালনা কৰি হত্যা কৰিছিল । তিনিটা গুলীয়ে ডিঙি ভেদি যোৱা গকুলৰ থিতাতে মৃত্যু ঘটে ৷
