UGC :
পৰম্পৰাগতভাৱে, তিনি বছৰৰ পৰিৱৰ্তে চাৰি বছৰ অধ্যয়ন কৰাৰ পাছত স্নাতক পৰ্যায়ত সান্মানিক ডিগ্ৰী লাভ কৰিবলৈ সক্ষম হ’ব শিক্ষাৰ্থীসকল।
বিশ্ববিদ্যালয় অনুদান আয়োগে (ইউজিচি) স্নাতক শিক্ষাত এনে পৰিৱৰ্তন আনিব বিচাৰে। এই সন্দৰ্ভত নতুন নিয়মৰ খচৰাও প্ৰস্তুত কৰিছে তেওঁলোকে ।
ইউজিচিয়ে জনাইছে, ‘ চাৰি বছৰীয়া স্নাতক কাৰ্যসূচীৰ বাবে পাঠ্যক্ৰম আৰু ক্ৰেডিট ফ্ৰেমৱৰ্ক’ শীৰ্ষক খচৰা প্ৰস্তাৱটো ৰাষ্ট্ৰীয় শিক্ষা নীতিৰ স’তে সংগতি ৰাখি প্ৰস্তুত কৰা হৈছে ।”
সংবাদ সংস্থা পিটিআইয়ে জনোৱা অনুসৰি এই সন্দৰ্ভত নিৰ্দেশনা সোমবাৰে প্ৰকাশ কৰাৰ সম্ভাৱনা আছে।
খচৰা প্ৰস্তাৱত কি পৰিৱৰ্তন কৰা হৈছে? খচৰা অনুসৰি, শিক্ষাৰ্থীজনে তিনি বছৰত স্নাতক হ’বলৈ ১২০ ক্ৰেডিট পইণ্ট প্ৰাপ্ত কৰিব লাগিব। আনহাতে, এজন শিক্ষাৰ্থীক চাৰি বছৰত স্নাতক হ’বলৈ ১৬০ টা ক্ৰেডিট পইণ্টৰ প্ৰয়োজন।
ইউজিচিৰ মতে, শিক্ষাবৰ্ষত সেই বিষয়বোৰ ঘণ্টা হিচাপে জোখাৰ ব্যৱস্থা কৰা হৈছে। খচৰাখনত এইটোও কোৱা হৈছে যে যদি চাৰি বছৰীয়া স্নাতক শিক্ষাৰ্থীসকলে যিকোনো বিষয়ৰ ওপৰত গৱেষণা কৰিব বিচাৰে, তেন্তে তেওঁলোকে সেই বিষয়টোৰ প্ৰজেক্ট বাছনি কৰিব লাগিব।
স্নাতক হোৱাৰ সময়ত, তেওঁলোকে প্ৰাসঙ্গিক বিষয়ত গৱেষণাত বিশেষজ্ঞ হ’ব।
ইউজিচিয়ে জনোৱা অনুসৰি, ইতিমধ্যে তিনি বছৰীয়া স্নাতক পৰ্যায়ত ভৰ্তি হোৱা শিক্ষাৰ্থীসকলে বিচাৰিলে চাৰি বছৰীয়া পাঠ্যক্ৰম বাছনি কৰিবলৈ সক্ষম হ’ব।
অৱশ্যে, সেই ক্ষেত্ৰত, বিশ্ববিদ্যালয়বোৰে তেওঁলোকক অনলাইন আৰু অফলাইন ব্ৰিজ পাঠ্যক্ৰম কৰাৰ সুযোগ দিব পাৰে।
যদি এজন শিক্ষাৰ্থীয়ে চাৰি বছৰীয়া পাঠ্যক্ৰমৰ মাজতে পঢ়া-শুনা ত্যাগ কৰে, ইউজিচিয়ে তেওঁক ইয়াক পুনৰ আৰম্ভ কৰাৰ সুযোগ দিছে। অৱশ্যে, তেনে ক্ষেত্ৰত, তেওঁ পাঠ্যক্ৰম এৰি যোৱাৰ তিনি বছৰৰ ভিতৰত ইয়াক আৰম্ভ কৰিব লাগিব। আৰু শিক্ষাৰ্থীজনে পাঠ্যক্ৰমটো সম্পূৰ্ণ কৰিবলৈ সাত বছৰ পাব।
ইউজিচিৰ মতে, শিক্ষাৰ্থীসকলে স্নাতক অধ্যয়নত যিকোনো বিষয়ত ‘ ছিঙ্গল বা ডাবল মেজৰ’ কৰিব পাৰে। তেনে ক্ষেত্ৰত, শিক্ষাৰ্থীয়ে ‘মেজৰ’ হিচাপে লোৱা বিষয়টোত ৫০ শতাংশ ক্ৰেডিট পইণ্ট প্ৰাপ্ত কৰিব লাগিব।
তেতিয়াহে তেওঁক এই ক্ষেত্ৰত এটা ‘ ছিঙ্গল মেজৰ ‘ দিয়া হ’ব। প্ৰতিটো শিক্ষাবৰ্ষৰ দ্বিতীয় ছেমিষ্টাৰৰ শেষত, শিক্ষাৰ্থীসকলে ‘মেজৰ’ বিষয়টো বাছনি কৰাৰ সুযোগ পাব।
