Pijush Hazarika:
অসম চৰকাৰৰ জলসম্পদ, তথ্য আৰু জনসংযোগ আদি বিভাগৰ মন্ত্ৰী তথা শোণিতপুৰ জিলাৰ অভিভাৱক মন্ত্ৰী পীযুষ হাজৰীকা আজি গহপুৰত বন অধিকাৰ আইন ২০০৬ ৰ অধীনত ভূমিৰ স্বত্ব প্ৰমাণপত্ৰ বিতৰণ অনুষ্ঠানত মুখ্য অতিথি হিচাপে উপস্থিত থাকে ।
মিচ্যন বসুন্ধৰাৰ জড়িয়তে ৰাজ্যখনৰ খিলঞ্জীয়া লোকসকলক মাটিৰ পট্টা প্ৰদান কৰাৰ বাবে চৰকাৰে ব্যৱস্থা কৰা বুলি উল্লেখ কৰি মন্ত্ৰীগৰাকীয়ে কয় যে বসুন্ধৰাৰ সমানে সমানে মিচ্যন ভূমিপুত্ৰৰ জড়িয়তেও ৰাজ্যৰ খিলঞ্জীয়া লোকক বিভিন্ন ধৰণেৰে সহায় কৰাৰ প্ৰয়াস কৰি আহিছে ।
মন্ত্ৰী হাজৰীকাই লগতে কয় যে অসম চৰকাৰে “অৰুণোদয়” আঁচনিৰ জড়িয়তে ৰাজ্যখনৰ পৰা “দুখীয়া” শব্দটো নোহোৱা কৰিবলৈ প্ৰয়াস কৰি আছে ।
অসমৰ সামগ্ৰিক উন্নয়ন তথা ৰাজ্যখনৰ খিলঞ্জীয়া জনসাধাৰণৰ হকে মুখ্যমন্ত্ৰী ড° হিমন্ত বিশ্ব শৰ্মাই অহৰহ কাম কৰি আছে বুলিও মন্ত্ৰী পীযুষ হাজৰীকাই ভাষণ প্ৰসংগত উল্লেখ কৰে ।
আজিৰ অনুষ্ঠানত বি টি আৰৰ উপ-মুখ্য কাৰ্যবাহী সদস্য গোবিন্দ বসুমতাৰী, তেজপুৰ সমষ্টিৰ সাংসদ পল্লৱ লোচন দাস আৰু গহপুৰ আৰু বিশ্বনাথ সমষ্টিৰ বিধায়কদ্বয়েও অংশগ্ৰহণ কৰে ।