Youth 20 Inception Meeting :
উল্লেখ্য যে ৰাষ্ট্ৰৰ যুৱপ্ৰজন্মৰ স’তে আলোচনা কৰিবলৈ আৰু পাঁচটা চিনাক্ত কৰা ৱাই-২০ বিষয়ৰ ওপৰত বিশেষ আলোচনা কৰা হয় ৱাই ২০ বৈঠকত ৷
একেদৰে প্ৰায় ৪ হেজাৰ বিদ্যালয়ৰ ১০ লাখৰো অধিক শিক্ষাৰ্থীয়েও অংশগ্ৰহণ কৰিছিল বৈঠকৰ আৰম্ভণিৰ বিভিন্ন আলোচনা চক্ৰ সমূহত ৷
আনহাতে জি ২০ দেশৰ ২১ জন বিদেশী প্ৰতিনিধি আৰু ২০০ জন ভাৰতীয় প্ৰতিনিধিয়ে মুখ্য অনুষ্ঠানসমূহত অংশগ্ৰহণ কৰিছিল।
আনহাতে মঙলবাৰে কেন্দ্ৰীয় যুৱ পৰিক্ৰমা আৰু ক্ৰীড়া মন্ত্ৰী অনুৰাগ সিং ঠাকুৰে ৱাই ২০ত ভাগ লোৱা প্ৰতিনিধিৰ স’তে এক বাৰ্তালাপত অংশগ্ৰহণ কৰে।
তেওঁ কয় যে ৱাই-২০ গোটে যুৱ-কেন্দ্ৰিক প্ৰচেষ্টাৰ উদাহৰণ দিব আৰু ৱাই-২০ সন্মিলনে যুৱসকলৰ দ্বাৰা ধাৰণা কৰা নীতিগত ব্যৱস্থাসমূহ প্ৰদৰ্শন কৰিব। মহিলাৰ কণ্ঠস্বৰ কেনেদৰে সৰ্বশ্ৰেষ্ঠভাৱে শুনিব পাৰি সেই সন্দৰ্ভত সোধা এক প্ৰশ্নৰ উত্তৰত মন্ত্ৰীগৰাকীয়ে উত্তৰ দিয়ে যে চৰকাৰে মহিলাৰ নেতৃত্বত হোৱা উন্নয়নত বিশ্বাস কৰে।
ভাৰতৰ ৰাষ্ট্ৰপতি এগৰাকী জনজাতীয় মহিলা যি কেৱল তেওঁৰ যোগ্যতাৰ বাবে নম্ৰ পৃষ্ঠভূমিৰ পৰা উঠিছে। ভাৰতৰ বাবে শেহতীয়া বাজেট বিত্ত মন্ত্ৰী নিৰ্মলা সীতাৰমণে উপস্থাপন কৰিছিল ৷
ষ্টাৰ্ট-আপসমূহক কেনেদৰে উৎসাহিত কৰিব পাৰি বুলি সোধা এক প্ৰশ্নোত্তৰত মন্ত্ৰীগৰাকীয়ে কয় যে, যোৱা কেইবছৰমানত কেন্দ্ৰীয় চৰকাৰৰ প্ৰচেষ্টাৰ ফলত ভাৰত বিশ্বৰ ষ্টাৰ্ট-আপৰ বাবে অন্যতম বৃহৎ পৰিস্থিতিতন্ত্ৰ হৈ পৰিছে। ২০১৬ৰ পৰা ২০২২ লৈকে ৮৪ হেজাৰৰো অধিক ষ্টাৰ্ট-আপ স্থাপন কৰা হৈছে ৷
ৱাই২০আৰম্ভণি সভাৰ দ্বিতীয় দিনৰ অধিৱেশনত পাঁচটা বিষয়ৰ ওপৰত পেনেল আলোচনা হয় ৷ “শান্তি নিৰ্মাণ আৰু মীমাংসা: যুদ্ধ বিহীন যুগৰ সূচনা শীৰ্ষক বিষয়বস্তুৰ ওপৰত অনুষ্ঠিত আলোচনা চক্ৰত দেশৰ প্ৰাক্তন সেনা প্ৰধান তথা কেন্দ্ৰীয় বৈদেশিক ৰাজ্য মন্ত্ৰী জেনেৰেল ভি কে সিঙে কয় যে এক সামগ্ৰিক সমাজ গঢ়ি তোলা টো গুৰুত্বপূৰ্ণ য’ত সকলোৱে বিকাশৰ সুযোগ পায় আৰু আমি ভাৰতত এনে কৰিছো।
ভাৰতত আমি উগ্ৰপন্থীৰ সৈতে কথা পাতো। আমি কেৱল শেষ উপায় হিচাপে বল প্ৰয়োগ কৰোঁ। এনেদৰেই আমি বাৰে বাৰে সংঘটিত হোৱা বিভিন্ন বিবাদৰ সমাধান কৰিবলৈ সক্ষম হৈছো ৷
আন এজন আলোচক বাংগালুৰুৰ সাংসদ তেজস্বী সূৰ্যই কয় যে যদি জনগাঁথনিৰ এটা অংশ যুদ্ধৰ জৰিয়তে অসামঞ্জস্যপূৰ্ণভাৱে প্ৰভাৱিত হয় সেয়া হৈছে যুৱ সকল। যুদ্ধ আৰু শান্তি সম্পৰ্কীয় সকলো আলোচনাৰ ওপৰত যুৱসকলক মেজত ৰখাটো অতি গুৰুত্বপূৰ্ণ।
প্ৰাক্তন সেনা বিষয়া তথা যুদ্ধ বিশেষজ্ঞ লেফটেনেণ্ট জেনেৰেল সতীশ দুয়াই কয় যে , শান্তি নিশ্চিত কৰাটো সৈন্যবাহিনীৰ কাম আছিল ৷সেইবাবেই সদায় শান্তিৰ বাৰ্তাৰ পক্ষত থকা ভাৰতে ৰাষ্ট্ৰসংঘৰ শান্তিৰক্ষী বাহিনীত যোগ দি নিৰন্তৰ ভাৱে নিজৰ কাম কৰি গৈছে ।
আলোচনাত অংশ লৈ প্ৰাক্তন আলফা বিপুল কলিতা ওৰফে প্ৰদীপ ভৰালীয়ে কয় যে তেওঁ ২০০০ চনত চৰকাৰৰ ওচৰত আত্মসমৰ্পণ কৰিছিল। তেওঁ কৈছিল যে তেওঁ আলফাত যোগদান কৰিছিল বিশ্বাস কৰিছিল যে অসম ভাৰতৰ অংশ হ’ব নালাগে।
কিন্তু তেওঁলোকে দেখিলে যে তেওঁলোক ভুল আছিল৷ অসমৰ ৯৮% লোকে অসমৰ ধাৰণাটো সমৰ্থন নকৰে সেয়েহে তেওঁলোকে অস্ত্ৰ-শস্ত্ৰ সমৰণ কৰিছিল।
আনহাতে নেচনেল ডেমক্ৰেটিক ফ্ৰণ্ট অফ বড়োলেণ্ড চমুকৈ এনডিএফবিৰ প্ৰাক্তন সদস্য এ ৱাৰিয়ে কয়, ২০০৫ চনৰে পৰা তেওঁ সশস্ত্ৰ সংগ্ৰামত বিশ্বাসী আছিল ৷
এই সন্দৰ্ভত তেওঁ কৈছিল যে তেওঁ প্ৰথমতে মূলসুঁতিলৈ অহা নাছিলো কিন্ত পৰৱৰ্তী সময়ত অনুধাৱন কৰিছিলো যে আমাৰ পদক্ষ ভূল৷সেয়েহে মূলসুঁতিত যোগদান কৰিব বিচাৰিছিলো আৰু পৰৱ সময়ত অস্ত্ৰ সমৰণ কৰি মুলসুঁতিলৈ উভতি আহো ৷
আলোচনাত আন এজন আলোচক অসম আৰক্ষীৰ সঞ্চালক প্ৰধান জি পি সিঙে কয়, জনসাধাৰণৰ আশা-আকাংক্ষাক এক সংঘাত নিষ্পত্তি প্ৰণালী হিচাপে বিৰোধিতা আৰু সমাধান কৰাৰ প্ৰয়োজনীয়তাৰ ওপৰত গুৰুত্ব আৰোপ কৰে।
অনুষ্ঠানত দেশৰ বিশ্ব চেম্পিয়ন বক্সাৰ সৰিতা দেৱীয়ে তেওঁ জীৱনত কেনেদৰে ক্ৰীড়া এক প্ৰেৰণাদায়ক কাৰক আছিল সেই যাত্ৰা কৰিছিল তাৰ ওপৰত এক বিস্তৃত আলোকপাত দাঙি ধৰে ৷
ছয় ফেব্ৰুৱাৰীৰ পৰা তিনিদিনীয়াকৈ অনুষ্ঠিত হোৱা য়ুথ ২০ সমাৰোহৰ কাৰ্যসূচী অনুসৰি কেন্দ্ৰীয় মন্ত্ৰীৰ দ্বাৰা শ্বেতপত্ৰ মুকলি কৰাৰ লগে লগে সামৰণি পৰে য়ুৱ ২০ আৰম্ভণি বৈঠক ৷
বৈঠক সম্পৰ্কত আজি কেন্দ্ৰীয় ক্ৰীড়া মন্ত্ৰী গৰাকীয়ে এক সংবাদমেল সম্বোধন কৰি জি ২০ দেশ সমূহৰ পৰা অহা যুৱ প্ৰতিনিধি সকলৰ অংশ গ্ৰহণে এক নতুন মাত্ৰা প্ৰদান কৰে বুলি উল্লেখ কৰে ৷
সংবাদমেলত ৰাজ্যৰ শিক্ষামন্ত্ৰী ডা:ৰণোজ পেগু সহ ক্ৰীড়া মন্ত্ৰণালয়ৰ সচিত মীতা ৰাজিৱলোচন সহ জ্যেষ্ঠ বিষয়াবৰ্গ উপস্থিত থাকে ৷