Earthquake In Gujarat :
পুনৰ কঁপি উঠিল গুজৰাট । পোন্ধৰ দিনৰ ভিতৰত পাঁচবাৰকৈ জোকৰিলে ভূমিকম্পই ।নেচনেল চেণ্টাৰ ফৰ চিচমোলজি (এনচিএছ) ৰে জনাইছে , দেওবাৰে আবেলি তিনি বাজি ২১ মিনিটত এই কম্পন অনুভূত হয়।
ADVERTISEMENT
ভূমিকম্পৰ প্ৰাবল্য ৰিখটাৰ স্কেলত ৪.৩ আছিল। ভূমিকম্পৰ উৎসস্থল ৰাজকোটৰ উত্তৰ আৰু উত্তৰ-পশ্চিমৰ ভূপৃষ্ঠৰ পৰা ২৭০ কিলোমিটাৰ গভীৰতাত আছিল।
অৱশ্যে, কম্পনত কোনো ক্ষতি বা প্ৰাণহানি হোৱাৰ কোনো খবৰ পোৱা হোৱা নাই।ঘটনাক্ৰমে, আফগানিস্তানৰ ফৈজাবাদৰ পৰা ১১৭ কিলোমিটাৰ দক্ষিণে দেওবাৰে আবেলি কেবাবাৰো কম্পন অনুভূত হয় ।
ইয়াৰ ঠিক পাছতেই, গুজৰাটত কম্পন অনুভূত হয় । কেৱল গুজৰাটতে নহয় দেওবাৰে পুৱা মহাৰাষ্ট্ৰৰ কোলাপুৰতো কম্পন অনুভূত হয় । ৰিখটাৰ স্কেলত ভূমিকম্পৰ প্ৰাবল্য আছিল ৩.৬।এই সপ্তাহতে তিনিটাকৈ মৃদু ভূমিকম্প হয় গুজৰাটৰ আমৰেলী জিলাত ।
