Bilkis Bano Case :
গুজৰাটৰ বহু চৰ্চিত বিলকিছ বানু ধর্ষণ গোচৰৰ ১১ জন অপৰাধীক এনে আন গোচৰৰ শাস্তি ৰেহাইৰ মান অনুসৰি ৰেহাই প্ৰদান কৰা হৈছে নে নাই এই বিষয়ে উচ্চতম ন্যায়ালয়ে আজি প্রশ্ন উত্থাপন কৰে।
আগন্তুক শুনানিৰ দিনা এই সম্পৰ্কীয় সকলো নথি আদালতত দাখিল কৰিবলৈ কেন্দ্ৰ আৰু গুজৰাট চৰকাৰক আজি নির্দেশ দিয়ে উচ্চতম ন্যায়ালয়ে।
ন্যায়াধীশ কে এম যোছেফে প্ৰশ্ন কৰি কয়,’আমাৰ সন্মুখত বছৰৰ পাছত বছৰ বহু হত্যাৰ গোচৰ দেখিছো, য’ত অভিযুক্তই কোনো ধৰণৰ শাস্তি লাঘৱ নোহোৱাকৈ বছৰৰ পাছত বছৰ কাৰাগাৰত কটাইছে। এই গোচৰত আন গোচৰবোৰৰ দৰেই একে ধৰণৰ মান প্ৰয়োগ কৰা হৈছে নে ?”
বিগত বৰ্ষত স্বাধীনতা দিৱসৰ দিনা গুজৰাট চৰকাৰে ১১ জন কাৰাবন্দীক মুকলি কৰি দিয়াৰ পদক্ষেপক প্ৰত্যাহ্বান জনাই উচ্চতম ন্যায়ালয়ত ৰুজু হোৱা বহুসংখ্যক গোচৰৰ শুনানি গ্ৰহণৰ বাবে ন্যায়াধীশ যোছেফএক পৃষ্ঠাৰ পৰা আৰু ন্যায়াধীশ বি ভি নাগৰত্নৰ দুজনীয়া বিচাৰপীঠ গঠন কৰা হৈছে। ২০০২ত বিলকিছ বানুৰ দলবদ্ধ ধৰ্ষণ আৰু তেওঁৰ পৰিয়ালক হত্যা কৰাৰ গোচৰত ২০০৮ত এই লোককেইজনক দোষী সাব্যস্ত কৰা হৈছিল।
এই আওপুৰণি নীতিৰ ভিত্তিত বিজেপিৰ স’তে যোগসূত্ৰ থকা লোক জড়িত থকা পেনেলৰ স’তে আলোচনা মর্মে দোষীকেইজনক মুকলি কৰি দিয়া হৈছিল। এজন দোষীয়ে জনোৱা আবেদনৰ ভিত্তিত উচ্চতম ন্যায়ালয়ে ৰাজ্য চৰকাৰক এই আবেদন শুনিবলৈ কোৱাৰ পাছতে এই পদক্ষেপ লোৱা হয়। আজি শুনানিত বিলকিছ বানুৰ অধিবক্তাই কয় যে যি ৰাজ্যত গোচৰৰ
শুনানি হৈছিল সেই ৰাজ্যই ব্যৱস্থা ল’ব লাগিছিল। আজি এই ক্ষেত্ৰত পৰিসীমাৰ বিষয়টো বিশেষভাৱে আলোচনা হয়। গুজৰাটৰ পৰা মহাৰাষ্ট্ৰলৈ এই গোচৰৰ শুনানি স্থানান্তৰিত কৰা হৈছিল। অনুভৱ কৰা হৈছিল যে সবমতি এক্সপ্ৰেছ জুলাই দিয়াৰ ঘটনাত ৫৯ জন কৰ সেৱকৰ মৃত্যুৰ পাছত২০২২ত তীব্ৰ হিংসাৰ সন্মুখীন হোৱা ৰাজ্যখনত নিৰপেক্ষ শুনানি সম্ভৱ নহ’ব।
চিপিএমৰ পলিটব্যুৰ’ৰ সদস্য সুভাশিনী আলি, সাংবাদিক ৰেৱতী লাল আৰু লক্ষ্ণৌ বিশ্ববিদ্যালয়ৰ প্ৰাক্তন উপাচাৰ্য ৰূপৰেখা বাৰ্মাক প্ৰতিনিধিত্ব কৰা জ্যেষ্ঠ অধিবক্তা ব্রিন্দা এভাৰে কয় যে চিবিআই আৰু বিচাৰ কৰা আদালতৰ মুৰব্বী ন্যায়াধীশে এই শাস্তিৰ ৰেহাইৰ বিৰোধিতা কৰিছিল।
তদুপৰি যুক্তি দর্শায় যে ১৪ টা হত্যা আৰু তিনিটা দলবদ্ধ ধৰ্ষণৰ গোচৰৰ ওপৰত ৰায়দান দিয়া হৈছিল। এই মৰ্মে মুঠ ৩৪ হেজাৰ টকাৰ জৰিমনা অনাদায়ে ৩৪ বছৰৰ কাৰাদণ্ড হ’ব লাগে। যিহেতু জৰিমনা আদায় দিয়া হোৱা নাই গতিকে এই কাৰাবাসৰ শাস্তি হ’ব লাগিব। এয়া হোৱা নাই বুলি অধিবক্তাজনে আঙুলিয়াই দিয়ে।
ইয়াৰ বিপৰীতে যুক্তি দৰ্শাই কেন্দ্ৰীয় চৰকাৰে কয় যে ইতিমধ্যে দোষীসকলে ১৫ বছৰতকৈ অধিক কাৰাবাস খাটিলে। অথচ যাৱজ্জীৱন কাৰাদণ্ডৰ দোষীক ১৪ বছৰৰ পাছত ৰেহাই দিয়া হয়। দোষীসকলৰ অধিবক্তা ঋষি মালহোত্রাই কয় যে আবেগিক আবেদন আইনী আবেদন নহয়। এই প্রসংগত ন্যায়াধীশ যোছেকে কয়, ‘আমি আবেগৰ দ্বাৰা আচ্ছন্ন নহওঁ। সন্তুলন ৰক্ষা কৰিব লাগিব। ই এক নৃশংস অপৰাধ।’ উল্লেখ্য যে বিলকিছ বানুৰ ১১ জন ধৰ্ষণকাৰী মুক্তিৰ বিৰুদ্ধে বহু আবেদন দাখিল হৈছে। বিলকিছে নিজেও দুখন আবেদন দাখিল কৰিছে।
উল্লেখ্য যে ন্যায়ালয়ৰ নিৰ্দেশ আৰু এজন দোষীৰ মুক্তিৰ আবেদনৰ ভিত্তিত গুজৰাট চৰকাৰে আটাইকেইজন দোষীক মুকলি কৰি দিয়ে। এই সম্পৰ্কীয় পৰামৰ্শ আগবঢ়োৱা পেনেলৰ সদস্যসকলে যুক্তি দর্শায় যে এই লোকসকল সংস্কাৰী ব্ৰাহ্মণ আৰু তেওঁলোকে ইতিমধ্যে ১৪ বছৰ জেলত কটাইছে তথা ভাল ব্যৱহাৰ প্ৰদৰ্শন কৰিছে।
