Rhino Attack In Kaziranga:
কাজিৰঙা ৰাষ্ট্ৰীয় উদ্যানৰ এনিমেল কৰিডৰত ভয়ংকৰ ঘটনা ৷ বাইকত আহি থকা অৱস্থাত পিতা-পুত্ৰক গড়ৰ আক্ৰমণ ৷ ফলত গুৰুত্বভাৱে আহত হয় দুয়ো ৷
ADVERTISEMENT
উদ্যান খনৰ ৩৭ নং ৰাষ্ট্ৰীয় ঘাই পথেদি তেজপুৰৰ বোকাখাতলৈ বাইকেৰে গৈ থকা সময়তে হঠাৎ জংঘলৰ মাজৰ পৰা অহা পথত হালধিবাৰী এনিমেল কৰিডৰৰ কেয়ামৰা দলংৰ সমীপত এটা গড়ে বাইকত প্ৰচণ্ড মাৰে ৷ ফলত বাইক চালক দুগ্ধদেৱ মহন্ত আৰু তেওঁৰ বাৰ বছৰীয়া কিশোৰ পুত্ৰ বাইকসহ উফৰি পৰে ৷
অৱশ্যে ঘটনাটো সংঘটিত কৰি গড়টো ঘন জংঘললৈ গুচি যায় ৷ গুৰুত্বৰভাৱে আহত হৈ ৰাজপথত পৰি থকা অৱস্থাত পিতা- পুত্ৰক পথচাৰীয়ে ততাতৈয়াকৈ চিকিৎসাৰ বাবে যোৰহাট চিকিৎসা মহাবিদ্যালয় হাস্পতাললৈ প্ৰেৰণ কৰে ৷