Fifty Children Fall Ill In Dobka :
বহাগৰ পহিলা দিনটোৰ পৰা আৰম্ভ হোৱা উৎকট গৰমে এক প্ৰকাৰ জ্বলাকলা খুৱাইছে ৰাজ্যবাসীক ৷ প্ৰচণ্ড গৰমৰ বাবে ৰাজ্য কেতবোৰ অঞ্চলত সোঁচৰা ৰোগৰ প্ৰাদুৰ্ভাৱ হৈছে ৷
শেহতীয়াকৈ উৎকট গৰমৰ বাবেই হোজাই জিলাৰ ডবকাৰ অস্থায়ী আশ্রয় শিবিৰত অৰ্ধ শতাধিক কণমানি শিশু হঠাতে হৈ পৰিছে অসুস্থ ৷ শৌচ, বমি, মূৰ ঘূৰণিত আক্রান্ত হৈছে শিশুকেইটা ।
আক্রান্ত হোৱা শিশু কেইটিৰ বয়স ডেৰ বছৰৰ পৰা ছবছৰৰ ভিতৰত । ইতিমধ্যে উন্নত চিকিৎসাৰ বাবে অসুস্থ শিশুকেইটাক এম্বুলেন্সেৰে নিয়া হৈছে চিকিৎসালয়লৈ ৷
চিকিৎসকে সন্দেহ কৰা মতে, অস্থায়ী শিৱিৰৰ লেতেৰা পৰিবেশ আৰু অতিমাত্ৰা গৰমৰ বাবেই শিশু সকল অসুস্থ হৈ পৰিছে ৷