Lakhimpur Mysterious Encounter:
অপৰাধীৰ বাবে মুৰৰ কামোৰণি হৈ পৰা সুদক্ষ আৰক্ষী বিষয়া আনন্দ মিশ্ৰই লখিমপুৰত যোগদান কৰাৰ পাছৰে পৰা নকল সোণ সৰবৰাহকাৰীৰ বিৰুদ্ধে তৎপৰ হৈ পৰে৷ ইতিমধ্যে আনন্দ বাহিনীৰ জালত পৰিছে বহু কেইটা নলক সোণ সৰবৰাহকাৰী ৷
এছ পি হিচাপে আনন্দ মিশ্ৰই লখিমপুৰত যোগদানৰ পাছত দেওবাৰে সংঘটিত হয় প্ৰথমটো এনকাউণ্টাৰৰ ঘটনা ৷ আৰক্ষীৰ গুলীত গুলীবিদ্ধ হয় বঙালমৰাৰ ২নং ইচলামপুৰৰ আনাৰুল ইছলাম নামৰ যুৱক এজন ৷ ভৰিত গুলীবৃদ্ধ আনাৰুলক আৰক্ষীয়ে লখিমপুৰ মেডিকেল কলেজ হাস্পতালত ভৰ্তি কৰে ৷
বিভিন্ন অপৰাধ কাণ্ডৰে জড়িত থকা আনাৰুলক লখিমপুৰ আৰক্ষীয়ে আটক কৰাৰ পাছত দেওবাৰে তাক লগত লৈ ভাতৃ চাদ্দাম হোছেইনৰ সন্ধানত অভিযান চলাবলৈ যাওঁতে এনকাউণ্টাৰ ঘটনা সংঘটিত হয় ৷
আনহাতে আৰক্ষী জিন্মাত থকা অৱস্থাত কেনে পৰিস্থিতিত এনকাউণ্টাৰ ঘটনা সংঘটিত হ’বলৈ পালে এই সম্পৰ্ক ব্যাপক চৰ্চা লাভ কৰাৰ মাজতে আৰক্ষীৰ স্পষ্টীকৰণ,অসাৱধানতাৰ বাবে ফুটিল গুলী’ ৷
মনকৰিবলগীয়া যে,ৰাজ্যৰ বিভিন্নস্থানত ইতিপূৰ্বে সংঘটিত হোৱা এনকাউণ্টাৰৰ ঘটনাত আৰক্ষী জিন্মাৰ পৰা অপৰাধী পলাবলৈ চেষ্টা কৰোতে আৰক্ষীয়ে গুলীচালনা কৰে ৷
কিন্ত লখিমপুৰত দেওবাৰে সংঘটিত সন্দেহজনক এনকাউণ্টাৰ ঘটনাই বিশেষ ৰহসৰ সৃষ্টি কৰিছে ৷
প্ৰকৃততে আৰক্ষীৰ অভিযানত আটকাধীন আনাৰুল ইছলাম পলাবলৈ চেষ্টা কৰিছিল নেকি,এনেবহুবোৰ প্ৰশ্ন অৱতাৰণা হৈছে এছ পি আনন্দ মিশ্ৰৰ প্ৰথমটো এনকাউণ্টাৰৰ ঘটনাক লৈ ৷
