Unidentified Body Recovered In Sangsari:চাংসাৰিত ৰাষ্ট্ৰীয় ঘাই পথৰ দাঁতিত উদ্ধাৰ ট্ৰাক চালকৰ মৃতদেহ

Unidentified Body Recovered In Sangsari:

স্বাধীনতা দিৱসৰ প্ৰাকক্ষণত কামৰূপ জিলাৰ চাংসাৰিত ৰাষ্ট্ৰীয় ঘাই পথৰ পেলনীয়া সামগ্ৰীৰ দ’মত উদ্ধাৰ এজন যুৱকৰ মৃতদেহ ৷

দেওবাৰে চাংসাৰি  আৰক্ষী থানাৰ অন্তৰ্গত চৌকিগেটৰ সমীপৰ লক্ষ্মীনগৰৰ ৩১ নং ৰাষ্ট্ৰীয় ঘাইপথৰ দাঁতিত নিশা ভাগতত উদ্ধাৰ হয় মৃতদেহটো।

এই ঘটনাই তীব্ৰ চাঞ্চল্যৰ সৃষ্টি কৰিছে ৷ এডিদাচ হাফপেণ্ট পৰিহিত যুৱকজনক কোনো দুৰ্বৃত্তই হত্যা কৰি এইদৰে পেলনীয়া সামগ্ৰীৰ মাজত পেলাই থৈ যোৱাৰ সন্দেহ কৰিছে স্থানীয় লোকে ৷

ইতিমধ্যে চাংসাৰি আৰক্ষীয়ে মৰনোত্তৰ পৰীক্ষাৰ বাবে চিকিৎসালয়লৈ প্ৰেৰণ কৰাৰ লগতে চিনাক্তৰ বাবে মৰ্গত ৰখাৰ ব্যৱস্থা কৰিছে ৷