Brown Sugar Seized In Agartala:
ড্ৰাগছৰ ৰমৰমীয়া কৰিডৰত পৰিণত হৈছে প্ৰতিবেশী ৰাজ্য ত্ৰিপুৰাৰ কেতবোৰ স্থান ৷ মঙলবাৰে ত্ৰিপুৰাৰ ধৰ্মনগৰ ৰে’ল ষ্টেচনত জি আৰ পি এফৰ অভিযানত জব্দ বুজন পৰিমাণৰ ব্ৰাউন চুগাৰ সহ দুটা পিষ্টল ৷
বিশেষ খবৰৰ ভিত্তিত ধৰ্মনগৰ ৰে’ল ষ্টেচনত অৱস্থান কৰি থকা শিলচৰ- আগৰতলা পেচেঞ্জাৰ ৰে’ল গাড়ী খনৰ এটা ডবাত জি আৰ পি এফে অৰ্তকিতে চলোৱা তালাচীত ছয়টা ব্ৰাউন চুগাৰৰ পেকেট জব্দ কৰে৷জব্দকৃত ব্ৰাউন চুগাৰ খিনিৰ ওজন ৭৭ গ্ৰাম ৷ অৱশ্যে ড্ৰাগছ সৰবৰাহকাৰীক গ্ৰেপ্তাৰ কৰিব নোৱাৰিলে ৷
উল্লেখ্য যে,দেওবাৰে শিলচৰ- আগৰতলা পেচেঞ্জাৰ ৰে’ল গাড়ীৰ এটা ডবাত জি আৰ পি এফে অভিযান চলাই এজন যুৱকক দুটা বিদেশত নিৰ্মিত পিস্তল , মেগাজিন সহ আটক কৰিবলৈ সক্ষম হয় ৷ ধৃত যুৱকজনৰ নাম বিছিক চাকমা ৷
জি আৰ পি এফৰ মাৰাথন জেৰাত যুৱকজনে স্বীকাৰ কৰে যে, পিষ্টল দুটা ডিমাপুৰৰ পৰা ক্ৰয় কৰি বাংলাদেশৰ এজন লোকক বিক্ৰী কৰিবলৈ আনিছিল ৷
ইতিমধ্যে জি আৰ পি এফে ধৃত অস্ত্ৰ সৰবৰাহকাৰী যুৱকজনক আগৰতলা আৰক্ষীক চমজাই দিয়ে ৷
