Lidu Coal Businessman House Raid By Income Tax:
মার্ঘেৰিটাৰ লিডুত শুক্ৰবাৰে পুৱাৰে পৰা তিনিজনকৈ কুখ্যাত কয়লা মাফিয়াৰ বাসগৃহত আয়কৰ বিভাগে অভিযান চলাই ৷
চিআৰপিএফৰ বেষ্টনীৰ মাজত কয়লা মাফিয়া কেইজনৰ বাসগৃহত অভিযোগ চলোৱা সময়ত কোনো লোকক ভিতৰৰ পৰা ওলোৱা আৰু বাহিৰৰ পৰা প্ৰৱেশত বাধাৰোপ কৰা হৈছে ৷
উল্লেখ্য যে,কয়লাৰ চোৰাং বেহাত জড়িত থকাৰ অভিযোগত আয়কৰে কুখ্যাত কয়লা মাফিয়া সুনীল গুৰুং আৰু বি গণেশ আৰু গোবিন ছেত্ৰীৰ বাসগৃহত চলোৱা হৈছে তালাচী ৷
প্ৰাপ্ত খবৰ অনুসৰি আয়কৰ বিভাগৰ বিষয়া দলটোৱে অভিযানকালত জব্দ কৰিছে কেতবোৰ নথিপত্ৰ ৷ উদ্থাপিত অভিযোগ অনুসৰি ধুৰন্ধৰ কয়লা মাফিয়া কেইজনে লিডুত অবৈধ কয়লা ব্যৱসায়ৰ এক বৃহৎ সাম্ৰাজ্য গঢ়ি সংগ্ৰহ কৰিছে কোটি কোটি টকা ৷
কিন্ত ইয়াৰ বিপৰীতে সংগ্ৰহ কৰা বৃহৎ পৰিমাণৰ আয়ৰ বিপৰীতে তেওঁলোকৰ বিৰুদ্ধে কৰ ফাঁকি দি অহা বুলি সময়ে সময়ে উদ্থাপিত হৈছিল অভিযোগ ৷