Sarbanandra Sonowal:
নতুন দিল্লীত কেন্দ্রীয় বন্দৰ, জাহাজ পৰিবহণ আৰু জলপথ তথা আয়ুষ মন্ত্ৰী সর্বানন্দ সোণোৱালৰ উপস্থিতিত ভাৰতৰ আগশাৰীৰ আয়ুর্বেদ প্রতিষ্ঠান অখিল ভাৰতীয় আয়ুর্বেদ প্রতিষ্ঠান আৰু ভাৰত চৰকাৰৰ এণ্টাৰপ্ৰাইজ এন্ড্রিউ য়ুল গ্ৰুপৰ মাজত এক গুৰুত্বপূৰ্ণ বুজাবুজিৰ চুক্তি স্বাক্ষৰিত হয়।
এই বুজাবুজি চুক্তিৰ উদ্দেশ্য হৈছে এন্ড্রিউ য়ুল এণ্ড কোম্পানীৰ চাহ বাগিচাসমূহক সামৰি গৱেষণা কৰা আৰু আয়ুর্বেদিক ঔষধ তথা চিকিৎসা পদ্ধতিৰ বিভিন্ন প্ৰয়োগ তথা সুযোগ-সম্ভাৱনাৰ অন্বেষণ কৰাকে ধৰি ইয়াৰ বিভিন্ন স্বাস্থ্যসন্মত গুণাগুণ আৰু লাভালাভ আৱিষ্কাৰ কৰা।
অখিল ভাৰতীয় আয়ুর্বেদ প্রতিষ্ঠানে চাহৰ স্বাস্থ্যসম্মত আৰু আয়ুর্বেদিক গুৰুত্ব আৰু আয়ুর্বেদিক ঔষধ, প্রসাধন সামগ্ৰী আদিৰ ব্যৱহাৰৰ সন্দৰ্ভত পৰীক্ষা-নিৰীক্ষা কৰিব। এন্ড্রিউ খুল এও কোম্পানীৰ অসমত সাতখনকৈ চাহ বাগিচা আছে, যাৰ ভিতৰত আছে ডিব্ৰুগড় জিলাৰ খোৱাঙৰ চাহ বাগিচা, যোৰহাট জিলাৰ হোলোংগুৰি চাহ বাগিচা, ডিব্ৰুগড় জিলাৰ টিংখাং চাহ বাগিচা, বাচমতিয়া চাহ বাগিচা, ৰাজগড় চাহ বাগিচা, দেশম চাহ বাগিচা আৰু গোলাঘাট জিলাৰ মুৰফুলনি চাহ বাগিচা। উক্ত গৱেষণা তথা পৰীক্ষা- নিৰীক্ষাৰ বাবে অসমৰ এইসমূহ চাহ বাগিচাকো সামৰি লোৱা হব।
অনুষ্ঠানত ভাষণ প্রদান কৰি কেন্দ্রীয় মন্ত্রী সর্বানন্দ সোণোৱালে কয়, “পৰম্পৰাগতভাৱে চাহৰ বহুতো প্রমাণিত স্বাস্থ্যসন্মত লাভালাভ আছে যাক বৈজ্ঞানিকভারে অধ্যয়ন কৰিব লাগিব। এই নতুন চুক্তিখন হৈছে চাহৰ বিভিন্ন স্বাস্থ্য উপকাৰিতা বৈজ্ঞানিকভারে তালিকাভুক্ত কৰাৰ লগতে আয়ুর্বেদিক ঔষধৰ ক্ষেত্ৰত চাহৰ প্ৰয়োগৰ সম্ভাৱনা অন্বেষণ কৰাৰ এক প্ৰয়াস।
প্রধানমন্ত্রী নৰেন্দ্ৰ মোদীৰদূৰদর্শী নেতৃত্বত আমাৰ চৰকাৰে আধুনিক গৱেষণা আৰু উন্নয়নৰ দৃষ্টিভংগীৰ জৰিয়তে আয়ুর্বেদৰ দৰে ঔষধৰ পৰম্পৰাগত জ্ঞানক বৈজ্ঞানিক প্ৰমাণেৰে শক্তিশালী কৰাত গুৰুত্ব দি আহিছে। ইয়াৰ ফলত আয়ুর্বেদ আৰু অন্যান্য পৰম্পৰাগত ঔষধৰ সমৃদ্ধ ঐতিহ্যই এক বিস্তৃত পৰিসৰৰ ৰোগৰ সমাধান ত্ববান্বিত কৰিব ধৰিছে।
অসমৰো চাহৰ ইতিহাস গৰিমামণ্ডিত, ইয়াৰ সোৱাদ আৰু স্বাস্থ্যকৰ উপকাৰিতা তথা আৰোগ্যৰ দিশবোৰ যুগে যুগে প্রমাণিত হৈ আহিছে। পিছে দীর্ঘদিন ধৰি অসমৰ চাহৰ সমৃদ্ধ ভেষজ আৰু আৰোগ্য শক্তি উপলব্ধি কৰিবলৈ কোনোধৰণৰ আন্তবিক প্রয়াস কৰা হোৱা নাছিল।
প্রধানমন্ত্রী নৰেন্দ্রমোদীৰ প্ৰেৰণাদায়ক নেতৃত্বত ভাৰতে সর্বাংগীণ বিকাশৰ পথেৰে নিজকে পুনৰুজ্জীৱিত কৰাৰ এই অমৃতকালত অসমৰ অর্থনীতিৰ অন্যতম মুখ্য আধাৰ চাহে আয়ুর্বেদিক ফর্মুলেচনৰ ক্ষেত্ৰত প্রাকৃতিক উপাদান হিচাপে ইয়াৰ সম্ভাৱনা উন্মুক্ত কৰিবলৈ সাজু হৈছে যাৰ উদ্দেশ্য হৈছে জনসাধাৰণৰ জীৱনৰ মান সমৃদ্ধ কৰা আৰু আৰোগ্য প্ৰণালীক ত্বৰান্বিত কৰা। তদুপৰি, অসমৰ চাহ পর্যটনৰ সৈতে আয়ুর্বেদ আৰু যোগ পর্যটনক সংযুক্ত কৰাতো আমি গুৰুত্ব আৰোপ কৰিছো।”
অখিল ভাৰতীয় আয়ুর্বেদ প্রতিষ্ঠান আৰু এন্ড্রিউ থুল এন্ড কোম্পানীয়ে আয়ুর্বেদিক দৃষ্টিকোণৰ পৰা চাহৰ স্বাস্থ্যসম্মত লাভালাভ আৰু মানুহৰ জীৱনত ইয়াৰ গুৰুত্বৰ সন্দৰ্ভত পৰীক্ষা-নিৰীক্ষা আৰু গৱেষণা কৰাৰ বাবে উমৈহতীয়া প্রচেষ্টাৰে কাম কৰিবলৈ সাজু হৈছে।
অনুষ্ঠানটোত কেন্দ্রীয় মন্ত্ৰী সৰ্বানন্দ সোণোৱালৰ সৈতে কেন্দ্রীয় আয়ুষ ৰাজ্যিক মন্ত্রী মুজপাৰা মহেন্দ্ৰভাই, আয়ুষ মন্ত্রালয়ৰ সচিব বৈদ্য ৰাজেশ কোটেচা, অখিল ভাৰতীয় আয়ুর্বেদ প্ৰতিষ্ঠানৰ সঞ্চালক ড তনুজা মনোজ নেছাৰী, ডীন (গোরা কেম্পাছ) ড° সুজাতা কদম, ভাৰতীয় ডাকৰ সঞ্চালক প্রধান স্মিতা কুমাৰ, এপ্লিউ ফুল এন্ড কোম্পানীৰ মুখ্য পৰিচালন সঞ্চালক আৰ এছ মাংকু প্ৰমুখ্যে অন্যান্য বিষয়াসকল উপস্থিত থাকে।