Two Hundred Diesel-Powered Guwahati buses will be closed in the city from 1st January:
পহিলা জানুৱাৰীৰ পৰা গুৱাহাটী মহানগৰীত ২০০ খন ডিজেল চালিত চিটিবাছৰ চলাচল অনিদিষ্ট কালৰ বাবে বন্ধ কৰিছে ৰাজ্যৰ পৰিবহন বিভাগে ৷
উল্লেখ্য যে,২০১৫ ত ১৫ বছৰৰ পুৰণি চিটিবাছ বন্ধ কৰাৰ সিদ্ধান্ত লৈছিল পৰিবহন বিভাগে ৷ কিন্ত শেহতীয়াকৈ চিটিবাছ মালিক সন্থাৰ স’তে কোনো ধৰণৰ আলোচনা নকৰাকৈ একপক্ষীয়ভাৱে দুশ খন চিটিবাছৰ চলাচল হঠাতে বন্ধ কৰি দিয়াক লৈ তীব্ৰ প্ৰতিক্ৰিয়া প্ৰকাশ কৰিছে গুৱাহাটী পৰিবহন সন্থাই ৷
ঋণ লৈ আত্মসংস্থাপনৰ পথ বাচি লোৱা থলুৱা যুৱকৰ ওপৰত পৰিবহন বিভাগে ৰামটাঙোন সোধোৱা সন্দৰ্ভত মুখ্যমন্ত্ৰীৰ হস্তক্ষেপ দাবী কৰিছে গুৱাহাটী পৰিবহন সন্থাই ৷
মনকৰিবলগীয়া যে,ৰাজ্যৰ পৰিবহন বিভাগে দুশ খন ডিজেল চালিত চিটিবাছৰ পৰিৰ্ৱতে নতুনকৈ চৰকাৰীভাৱে বৈদ্যুতিক গ্ৰীণ চিটিবাছ চলোৱাৰ উদ্দেশ্যৰে ইতিমধ্যে গুৱাহাটীত সাজু কৰিছে সংশ্লিষ্ট দুশ বৈদ্যুতিক গ্ৰীণ চিটিবাছ ৷ পহিলা জানুৱাৰীৰ পৰা মহানগৰীৰ ৰাজপথ হৈ পৰিব সেউজীয়াময় ৷