Mayor Mrigen Sarania’s Press Conference On Property Tax:
ভোগালী বিহুৰ প্ৰাকমুহূৰ্তত গুৱাহাটী পৌৰনিগমৰ মেয়ৰ মৃগেন শৰনীয়াৰ গুৰুত্বপূৰ্ণ সংবাদমেল ৷
সম্পত্তি কৰ সন্দৰ্ভত অনুষ্ঠিত সংবাদমেল খনত উল্লেখ কৰে যে, ২০০৮ ৰ নিৰিখ অনুসৰি ৯১হাজাৰ হ’ল্ডিঙে পুৰনা নিৰিখ অনুসৰি টেক্স দি আছে ৷
একেদৰে বৰ্তমান ডেৰ লক্ষাধিক মানুহে নতুন নিৰিখ অনুসৰি দি থকাৰ বিপৰীতে ৯১ হাজাৰে নতুন নিৰিখ অনুসৰি কৰ দিয়া নাই ৷
মেয়ৰ গৰাকীয়ে এই পৰ্যন্ত কৰ আদায় নিদি হাত সাবটি বহি থকা কৰদাতা সকললৈ সতৰ্কবাণী জনায় কয়, যিসকলে কৰ আদায় দিয়া নাই, তেওঁলোকে ৩১ মাৰ্চৰ ভিতৰত আদায় দিয়াৰ আহ্বান ৷
মাঘবিহুৰ সময়ত ৫০% কৰ আদায় দিলে পেনাল্টি নভৰাকৈ দিব পাৰিব ৷ আনহাতে দীৰ্ঘদিন ধৰি কৰ নিদিয়া সকলক ৩১ জানুৱাৰীৰ ভিতৰত কৰ আদায় দিবলৈ আহ্বান ৷ অন্যথা জব্দ হ’ব পাৰে সম্পত্তি ৷ নতুবা বাতিল হ’ব পাৰে হ’ল্ডিং নম্বৰ আৰু কৰ্তন হ’ব বিদ্যুৎ যোগান সেৱা ৷
মেয়ৰ শৰণীয়াই সংবাদমেলত পৌৰ নিগমে চলিতবৰ্ষত এশ কোটি টকা সংগ্ৰহৰ লক্ষ্য স্থিৰ কৰিছে বুলি উল্লেখ কৰে ৷
স্বচ্ছ পৰ্যৱেক্ষনত গুৱাহাটীৰ স্থান অৱনমিত হোৱাৰ সন্দৰ্ভত মেয়ৰ গৰাকীয়ে কয়,স্বচ্ছ সৰ্বেক্ষণ ২০২২ৰ ডাটাৰ ভিত্তিত দিয়া হৈছে ৷
আনহাতে গুৱাহাটীবাসীৰ ঘৰেঘৰে জাবৰ পৃথকীকৰণ কৰিব লাগে যদিও সেই ব্যৱস্থা পূৰ্বতে নাছিল ৷ কিন্ত এতিয়া সেই ব্যৱস্থা নিগমে নিৰন্তৰভাৱে অব্যাহত ৰাখিছে ৷ আমাৰ চেগ্ৰিগেছন ব্যৱস্থা নাই ৷ এইসকলো বোৰ হ’লে আমি আগন্তুক দিনত ১০০ ৰ ভিতৰত থাকিম ৷
স্বচ্ছ পৰ্যৱেক্ষন কৰা হয় জুলাই আগষ্ট মাহত ৷ কিন্ত সেই সময়ত গুৱাহাটীত বানপানী হয় ৷ উল্লেখ কৰিব পাৰি যে,গুৱাহাটী পৰিস্কাৰৰ ক্ষেত্ৰত গুৱাহাটীবাসীয়ে খুব ভাল মন্তব্য দিছে ৷
মেয়ৰ শৰণীয়াই সংবাদমেলত সদৰি কৰি কয়,গুৱাহাটীত ৬০টা পাব্লিক টয়লেটৰ ব্যৱস্থা কৰা হৈছে ৷ অচিৰেই আৰু এশটা পাব্লিক টয়লেট নিৰ্মাণ কৰা হ’ব মহানগৰীত ৷
এই ব্যৱস্থা আনুষ্ঠানিকভাবে মুখ্যমন্ত্ৰীয়ে মুকলি কৰিব বুলি উল্লেখ কৰে গুৱাহাটী পৌৰনিগমৰ মুৰব্বী গৰাকীয়ে ৷
