Kamal Kumar Medhi Joins BJP:গেৰুৱা বসন পিন্ধিলে কমল কুমাৰ মেধিয়ে

Kamal Kumar Medhi Joins BJP:

দলবাগৰাত সিদ্ধগ্ৰস্ত কমল কুমাৰ মেধিয়ে আজি পিন্ধিলে গেৰুৱাবসন ৷ আজি বিজেপিত যোগদান কৰে মেধি সহ । ছিপাঝাৰৰত বিগত বিধানসভা নিৰ্বাচনত কংগ্ৰেছৰ প্ৰাৰ্থী তথা কংগ্ৰেছ নেতা কুলদীপ বৰুৱাৰো যোগদান কৰে বিজেপিত ৷

উল্লেখ্য যে,লোকসভাৰ নিৰ্বাচনলৈ মাজত মাত্ৰ দুটা মাহ থকা অৱস্থাত ইজনৰ পাছত সিজনকৈ কংগ্ৰেছ সহ আন আন ৰাজনৈতিক দলৰ নেতাৰ সোঁত বৈছে বিজেপিলৈ ৷

শাসনাধিষ্ঠ দলটোৱে নিৰ্বাচনৰ পূৰ্বে ব্যাপক যোগদান কাৰ্যসূচীৰ অংশ হিচাপে সোমবাৰে মহানগৰীৰ বশিষ্ঠস্থ ৰাজ্যিক বিজেপিৰ কাৰ্যালয়ত অনুষ্ঠিত যোগদান কাৰ্যসূচীত বিজেপিত যোগদান কৰে কমল কুমাৰ মেধি সহ ছিপাঝাৰৰ কংগ্ৰেছৰ নেতা কুলদীপ বৰুৱাই ৷

যোগদান কাৰ্যসুচীত ৰাজ্যিক বিজেপিৰ সভাপতি ভৱেশ কলিতা ,মন্ত্ৰী জয়ন্ত মল্ল বৰুৱা আৰু বিধায়কত্ৰয় প্ৰশান্ত ফুকন, পৰামনন্দ ৰাজবংশী, মানৱ ডেকা উপস্থিত থাকে ৷