Nayab Singh Saini won the vote of confidence in the Haryana Assembly:
মঙলবাৰে হাৰিয়ানাৰ প্ৰাক্তন মুখ্যমন্ত্ৰী মনোহৰলাল খট্টাৰৰ আকস্মিক পদত্যাগৰ কেইঘন্টামানৰ পাছতে ৰাজ্য খনৰ নতুন মুখ্যমন্ত্ৰী হিচাপে শপত গ্ৰহণ কৰে নায়াব সিং ছৈনীয়ে। তেওঁৰ স’তে শপত লয় পাঁচ কেবিনেট মন্ত্ৰীয়ে ৷
আনহাতে নতুন মুখ্যমন্ত্ৰীক আজি পুৱা ১১ বজাত বিধানসভাত সংখ্যাগৰিষ্ঠতা প্ৰমাণ কৰিবলৈ নিৰ্দেশ দিয়ে ৰাজ্যপালে ৷ সেই অনুসৰি আজি বিধানসভা অনায়াসে ধ্বনি ভোটেৰে নায়াব সিং ছৈনীয়ে সংখ্যাগৰিষ্ঠতা প্রমাণ কৰে ৷ অৰ্থাৎ বিধানসভাত আস্থা ভোটত জয়ী হয় নায়াব সিং ছৈনীয়ে ৷
উল্লেখ্য যে,৯০জনীয়া হাৰিয়ানা বিধানসভাত ছৈনীয়ে ৪৮ জন বিধায়কৰ সমৰ্থন আছে বুলি দাবী কৰে । চৰকাৰক সংখ্যাগৰিষ্ঠতাৰ বাবে প্ৰয়োজন ৪৬ খন আসনৰ।
হাৰিয়ানা বিধানসভাত বিজেপি বিধায়কৰ সংখ্যা ৪১ জন ৷ ইয়াৰোপৰি বিজেপিক সমৰ্থন দিছে ছয়জন নিৰ্দলীয় বিধায়কে৷ যাৰফলত বিজেপিৰ আসনৰ সংখ্যা হয়গৈ ৪৭ ৷
মনকৰিবলগীয়া যে ,ইতিমধ্যে বিজেপিক সমৰ্থন দি অহা জেজেপিয়ে চৰকাৰৰ পৰা সমৰ্থন প্ৰত্যাহাৰ কৰিছিল ৷ লোকসভাৰ বাবে দলটোৱে বিজেপিৰ পৰা প্ৰয়োজনীয় আসন নোপাৱাত ক্ষুন্ন হৈছিল ৷ হাৰিয়ানা এক উচ্চস্তৰীয় খবৰ অনুসৰি জেজেপিৰ পাঁচ বিধায়কে শীৰ্ঘেই যোগদান কৰিব বিজেপিত ৷
আনহাতে মঙলবাৰে মুখ্যমন্ত্ৰী পদৰ পৰা পদত্যাগ কৰা সদ্য প্ৰাক্তন মনোহৰলাল খট্টৰক লোকসভা নিৰ্বাচনৰ বাবে টিকট দিয়াৰ সম্ভাৱণা আছে।
স্মতৰ্ৱ্য যে,হাৰিয়ানাত লোকসভা আসনৰ সংখ্যা ১০ খন ৷ আগন্তুক নিৰ্বাচনত বিজেপিয়ে আটাইকেইখন আসনত প্ৰতিদ্বন্দ্ব্বীতা কৰিবলৈ আগবঢ়াৰ সময়তে ৰাজ্য খনৰ মিত্ৰদল জেজেপিয়ে ২ খন লোকসভা আসন বিচাৰিছিল ৷ কিন্ত বিজেপিয়ে এখনো আসন দিয়াৰ বাবে ৰাজি নহ’ল ৷ আনকি বিগত নিৰ্বাচনতো এখনো আসন দিয়া নাছিল ৷ এনেবোৰ কাৰণতে বিজেপিৰে জে এম এমৰ মিত্ৰতা ভংগ হয় ৷
মনকৰিবলগীয়া যে,চলিতবৰ্ষৰ শেষৰ ফালে হাৰিয়ানা বিধানসভাৰ নিৰ্বাচন অনুষ্ঠিত হ’ব ৷ এনে প্ৰেক্ষাপটত বিজেপিৰ শীৰ্ষ নেতৃত্বই মনোহৰলাল খট্টৰে মুখ্যমন্ত্ৰী পদ ত্যাগ কৰাৰ পাছতে ততাতৈয়াকৈ অবিচি সম্প্ৰদায়ৰ নায়াব সিং ছৈনীক মুখ্যমন্ত্ৰী পদত অধিস্থিত কৰে ৷