Narendra Modi Arrives in Bhutan on a two-day Visit:
দেশৰ লোকসভা নিৰ্বাচনৰ ব্যাপক প্ৰচাৰিভাযানৰ মাজতে আজি দুদিনীয়া চৰকাৰী ভ্ৰমণসূচীৰে ভূটানত উপস্থিত হয় প্ৰধান মন্ত্ৰী নৰেন্দ্ৰ মোডী।
পুৱাতে ভূটানৰ পাৰো আন্ত:ৰাষ্ট্ৰীয় বিমানবন্দৰত প্ৰধানমন্ত্ৰী মোডীক ৰাজকীয় আদৰণি জনায় ভূটানী প্ৰধানমন্ত্ৰী শ্বেৰিং টবগেইয়ে ।
উল্লেখ্য যে , প্ৰধানমন্ত্ৰী মোডী ২১মাৰ্চত ভূটানলৈ যোৱাৰ কথা আছিল যদিও প্ৰতিকুল বতৰৰ বাবে ভ্ৰমণসূচী এদিন পিছুৱাই দিয়া হয় ৷
চুবুৰীয়া পৰ্বতীয়া দেশ ভূটানৰ স’তে ভাৰতৰ সমন্ধ অধিক সুদৃঢ় কৰাৰ লগতে দেশ খনৰ উন্নষণৰ অংশীদাৰিত্ব অধিক শক্তিশালী কৰাৰ উদ্দেশ্যেৰে মোডীৰ ভ্ৰমণ অধিক তাৎপৰ্যপূৰ্ণ হিচাপে বিবেচিত হৈছে ৷
উল্লেখ্য যে , প্ৰধানমন্ত্ৰী নৰেন্দ্ৰ মোডীক আজি ভূটানৰ সৰ্বোচ্চ অসামৰিক সন্মান ড্ৰাক গ্যেল্পো (Druk Gyalpo) ৰে সন্মানেৰে সন্মানিত কৰা হয় ৷
মোডীয়ে ভূটানৰ কে’বাটাও চৰকাৰী কাৰ্যসূচীত উপস্থিত থকাৰ লগতে ভূটানী ৰজা আৰু প্ৰধানমন্ত্ৰীৰ স’তে এক আলোচনাত মিলিত হ’ব ৷
