Heavy Rainfall In Dimahasau:
ৰাজ্যৰ পাহাৰীয়া জিলা ডিমা হাচাওত প্ৰকৃতিয়ে লৈছে ভয়ংকৰ ৰূপ। বিগত কে”বাদিনো ধৰি অব্যাহত থকা নেৰানেপেৰা বৰষুণৰ ফলত ভিন্নস্থানত ভূমিস্খলন আৰু পাহাৰৰ পৰা নামি অহা পানীৰ ঢলে বুৰাই পেলাইছে বহু পথ ৷ ছিন্ন-বিচিন্ন কৰিছে ৰাস্তা-ঘাট ৷ এনে অপৰিৱৰ্তীত পৰিস্থিতিৰ বাবে ইতিমধ্যে ব্যাহত হৈ পৰিছে যোগাযোগ ব্যৱস্থা ।
ইপিনে,প্ৰতিকুল বতৰৰ বাবে পাৰ্বত্য জিলা খনৰ বিদ্যালয়-কলেজ সহ সকলোবোৰ চৰকাৰী- বেচৰকাৰী শিক্ষানুষ্ঠান চাৰি মে’লৈ বন্ধ ঘোষণা কৰিছে জিলা আয়ুক্ত আৰু পাৰ্বত্য স্বায়ত্ব শাসিত পৰিষদৰ প্ৰধান সচিবে ৷
আনহাতে ,বতৰ বিজ্ঞান বিভাগে জিলাখনত ছয় মে’লৈ মুষলধাৰ বৰষুণ অব্যাহত থকাৰ সম্ভাৱনা ব্যক্ত কৰিছে |