Kamakhya Temple:
বহুচৰ্চিত কামাখ্যা কৰিড’ৰ প্রকল্পই শক্তিপীঠৰ ঐতিহ্যত বিৰূপ প্রভাব পেলাব পাবে। দেশ-বিদেশ ভক্তৰ বাবে আশীর্বাদ অৰু আগ্রহৰ কেন্দ্রবিন্দু কামাখ্যা মন্দিৰৰ মূল গৰ্ভত থকা অবিনশ্বৰ জলাধাৰ শুকাই যাব পাৰে কামাখ্যা কৰিড’ৰ প্ৰকল্পৰ বাবে। নির্মাণকাৰী প্রতিষ্ঠান এল এণ্ড ‘টিক ইতিমধ্যে গতাই দিয়া এই প্রকল্পটোৰ নির্মাণ কাৰ্য
আৰম্ভ হোৱাৰ প্ৰাকক্ষণত মন্দিৰৰ মূল গৰ্ভত থকা পবিত্ৰ জলাধাৰ শুকাই যোৱাৰ আশংকা কৰি এই নির্মাণ কাৰ্যৰ বিৰুদ্ধাচৰণৰে গুৱাহাটী উচ্চ ন্যায়ালয়ৰ দ্বাৰস্থ হৈছে কামাখ্যা ধামৰ বৰদেউৰী সমাজ।
গুৱাহাটী উচ্চ ন্যায়ালয়ত বৰদেউৰী সমাজৰ হৈ নৱজ্যোতি শর্মাই দাখিল কৰা এখন ৰাজহুৱা স্বার্থজড়িত আবেদনৰ ওপৰত শুনানি গ্রহণ কৰি গুৱাহাটী উচ্চ ন্যায়ালয়ে এই প্রকল্পৰ প্রসংগত অসম
ৰাজহুৱা স্বার্থজড়িত আবেদনখনৰ প্ৰসংগত অনুষ্ঠিত শুনানিৰ অন্তত ন্যায়ালয়ে সংশ্লিষ্ট পক্ষসমূহলৈ জাননী জাৰি কৰাৰ কথা সদৰী কৰি গুচৰীয়া পক্ষৰ অধিবক্তা উপমন্যু হাজৰিকাই ‘দৈনিক অগ্রদূত’ক কয় যে ইতিমধ্যে এল এণ্ড টি নামৰ প্রতিষ্ঠানটোক চাৰিশ কোটি টকাৰ নিবিদা অনুসৰি কামৰ দায়িত্ব প্রদান কৰা হৈছে। জ্যেষ্ঠ অধিবক্তাজনে কয়, ‘কামাখ্যা মন্দিৰকে ধৰি সমগ্র নীলাচল ভূমিয়েই পবিত্র স্থল। প্রত্নতাত্ত্বিক বিভাগে কামাখ্যা ধামৰ প্ৰসংগত ইতিমধ্যে কৈছে যে বিগত দুহেজাৰ বছৰ ধৰি কামাখ্যা মন্দিৰত অবিৰতভাৱে পূজা-অর্চনা চলি আহিছে।
বিগত ১৫শ বছৰত কমেও তিনিবাৰকৈ কামাখ্যা মন্দিৰৰ আন্তঃগাঁথনিত বদ-বদলো কৰা হৈছে। শক্তিৰ উপাসকসকলৰ বাবে আধ্যাত্মিকতাৰ কেন্দ্ৰস্বৰূপ কামাখ্যা কৰিড’ৰ হ’ব পাঁচটা পৰ্যায়ত। মূল মন্দিৰ চৌহদত হ’বলগীয়া এই প্ৰকল্পৰ ৰূপায়ণৰ ফলত মন্দিৰৰ কাষতে থকা দোকান-পোহাৰ বা মূল মন্দিৰৰ আশে-পাশে থকা আন্তঃগাঁথনিসমূহো ভঙা-ছিঙা কৰা হ’ব আৰু নতুনকৈ বিভিন্ন ক্ষেত্ৰ নিৰ্মাণৰ বাবে কামাখ্যা মন্দিৰৰ কাষৰীয়া অঞ্চলত বহু দ’লৈকে খন্দাও হ’ব। প্রকল্প অনুসৰি এশ-তিনিশ ফুট পর্যন্ত খন্দা হ’ব কামাখ্যাৰ ভূ-খণ্ড।’
খিলঞ্জীয়াৰ স্বাৰ্থ সুৰক্ষাৰ বাবে উচ্চতম ন্যায়ালয়ত দীঘলীয়া আইনী যুঁজ অব্যাহত ৰখা জ্যেষ্ঠ অধিবক্তা হাজৰিকাই পুনৰ কয়, ‘কামাখ্যা মন্দিৰৰ অন্তৰ্ভাগত ভক্তই যি দৰ্শন কৰিবলৈ যায় তথা মন্দিৰৰ মূল দর্শন হোৱা স্থানত থকা মূল জলাধাৰৰ পানী এনে নির্মাণ কার্যত শুকাই যাব পাৰে বুলি আশংকা কৰা হৈছে
কামাখ্যা মন্দিৰৰ আশে-পাশে থকা ভৈৰৱী মন্দিৰ, মা-তাৰা মন্দিৰ, মা কালী মন্দিৰ, ছিন্নমস্তা মন্দিৰ, কামেশ্বৰ মন্দিৰকে ধৰি দেৱীৰ দশমহাবিদ্যাৰ মন্দিৰসমূহৰো চৌপাশে খনন চলোৱাৰ ফলত ইয়াৰ কু-প্ৰভাৱ পৰিব পাৰে মা কামাখ্যা মন্দিৰৰ গৰ্ভত থকা জলাধাৰত। সেয়েহে কামাখ্যা কৰিড’ৰ প্ৰকল্পটোক লৈ সকলোৱে শংকা প্রকাশ কৰিছে যে এনেবোৰ নিৰ্মাণ কাৰ্যৰ ফলত মূল মন্দিৰৰ গহ্বৰত থকা জলাধাৰ শুকাই যাব পাৰে।
অথচ কামাখ্যা মন্দিৰৰ মূল ঐতিহ্য, আকৰ্ষণ আৰু ভক্তসকলৰ মূল ভক্তিৰ কেন্দ্ৰবিন্দুৱে হ’ল এই জলাধাৰ। অথচ এই জলাধাৰ নতুন নিৰ্মাণৰ পার্শ্বক্রিয়াত অক্ষত অৱস্থাত থাকিবনে নাই সেই সন্দৰ্ভত কোনো ধৰণৰ হাইড্র’লজিকেল অধ্যয়ন হোৱা নাই। গতিকে এনেধৰণৰ অধ্যয়ন অবিহনে এল এণ্ড টিক চাৰিশ কোটি টকাৰ নিবিদা প্রদানৰে কামাখ্যা কৰিড’ৰ নিৰ্মাণ কৰিবলৈ যি দায়িত্ব প্রদান কৰা হৈছে, এনে তৎপৰতাৰ বিৰুদ্ধে ন্যায়ালয়ত পিআইএলখন দাখিল কৰা হৈছে।’
জ্যেষ্ঠ অধিবক্তাজনে এই কথাও কয় যে কামাখ্যা মন্দিৰ চৌহদটো আজিলৈকে প্রত্নতাত্ত্বিক বিভাগৰ দ্বাৰা সুৰক্ষিত অঞ্চল নহয়। প্রত্নতত্ত্ব সম্পৰ্কত এখন ৰাজ্যিক পৰ্যায়ত আৰু এখন ৰাষ্ট্ৰীয় পৰ্যায়ত মুঠতে দুখনকৈ আইন আছে যদিও কোনো এখন আইনৰ অধীনত আজিলৈকে কামাখ্যা মন্দিৰ চৌহদক সুৰক্ষিত অঞ্চল কৰা নহ’ল।
আবেদনকাৰীৰ হৈ ন্যায়ালয়ত যুক্তি দর্শোৱা অধিবক্তা হাজৰিকাই এই প্রসংগত কয়, ‘কামাখ্যা মন্দিৰ চৌহদক সুৰক্ষিত অঞ্চল ঘোষণা কৰা হ’লে আইনৰ অধীনত মূল মন্দিৰৰ এশ মিটাৰ নিলগলৈ কোনো ভঙা-ছিঙা কৰিব নোৱাৰে বা নতুনকৈ নির্মাণ কার্যও চলাব নোৱাৰে।
সুৰক্ষিত অঞ্চল ঘোষণা হ’লে মন্দিৰ চৌহদত নিৰ্মাণ কাৰ্যৰ স্বাৰ্থত কোনো ধৰণৰ খননো কৰিব নোৱাৰিলেহেঁতেন। প্রত্নতাত্ত্বিক বিভাগে কামাখ্যা মন্দিৰ থকা পাহাৰখনৰ নামনি অঞ্চল আৰু কামাখ্যা গেটকহে সুৰক্ষিত অঞ্চল ঘোষণা কৰিছে যদিও মূল মন্দিৰটোক সুৰক্ষিত অঞ্চলৰূপে ঘোষণা কৰা নাছিল। সেয়েহে কামাখ্যা মন্দিৰক যাতে সুৰক্ষিত অঞ্চল ঘোষণা কৰিবলৈ কেন্দ্ৰ আৰু ৰাজ্য চৰকাৰক যাৱতীয় নির্দেশ দিয়া হয়, তাৰ বাবে আবেদনকাৰীয়ে ন্যায়ালয়ত আবেদন জনাইছিল।’
উল্লেখ্য যে গুৱাহাটী উচ্চ ন্যায়ালয়ত দাখিল কৰা আবেদনখনত ন্যায়ালয়ক বৰদেউৰী সমাজৰ হৈ এই বুলি আবেদন জনোৱা হৈছে যাতে তৎকালে ১৯৫৯ৰ ‘আছাম এনচিয়েন্ট মনুমেন্ট এণ্ড ৰেকৰ্ডছ এক্ট’ৰ অধীনত সমগ্র কামাখ্যা মন্দিৰ চৌহদটোকে সুৰক্ষিত অঞ্চলৰূপে ঘোষণা কৰিবলৈ সংশ্লিষ্ট কর্তৃপক্ষক নির্দেশ দিয়া হয়।
উল্লেখ্য যে কেন্দ্ৰ আৰু ৰাজ্য চৰকাৰে কামাখ্যা মন্দিৰৰ আন্তঃগাঁথনি, মন্দিৰলৈ নামনিৰ পৰা সহজতে অহা-যোৱা কৰাৰ সুব্যৱস্থা আদিকে ধৰি বিভিন্ন আন্তঃগাঁথনি গঢ়ি তোলাৰ বাবে গ্রহণ কৰা কামাখ্যা কৰিড’ৰ প্ৰকল্পৰ নিৰ্মাণ কাৰ্যৰ – দায়িত্ব ইতিমধ্যে এল এণ্ড টিক অর্পণ কৰা হৈছে যদিও এই ঐতিহ্যমণ্ডিত মন্দিৰটোৰ চৌহদত ভঙা-পতা কৰাৰ পূৰ্বে চৰকাৰ-কর্তৃপক্ষই কোনো ধৰণৰ জল সম্পর্কীয়, গাঁথনি সম্পর্কীয় আৰু পৰিৱেশ সম্পৰ্কীয় অধ্যয়ন কৰা নাই বুলি আবেদনকাৰীয়ে ৰাজহুৱা স্বার্থজড়িত আবেদনখনত স্পষ্টভাবে উল্লেখ কৰিছে।
উল্লেখ্য যে কামাখ্যা কৰিড’ৰ প্ৰকল্পৰ অধীনত নামনিৰ পৰা মন্দিৰলৈকে ৰ’পৱে পৰিবহণৰো ব্যৱস্থা কৰাৰ প্ৰস্তাৱ আছে।