Woman arrested for harboring fake gold smugglers:
বহু চৰ্চিত এছ আই জোনমণি ৰাভা মৃত্যুৰ ঘটনাৰ সময়ত নকল সোণৰ বেপাৰীৰ বিৰুদ্ধে সক্ৰিয় হোৱা দেখুৱা হাছিনা বেগমক হঠাতে গ্ৰেপ্তাৰ কৰে মহানগৰ আৰক্ষীয়ে ৷
নকল সোণৰ সৰবৰাহকাৰীক ৰক্ষণাবেক্ষণ দিয়াৰ অভিযোগত মহানগৰীৰ এখন হোটেলত বাহৰ পাতি থকা সময়ত আৰক্ষীয়ে বিশেষ খবৰৰ ভিত্তিত অভিযান চলাই আটক কৰে ৷
উল্লেখ্য যে লখিমপুৰ জিলাৰ বিহপুৰীয়াৰ অ’চি আৰু বঙালমৰা আৰক্ষী চকীৰ ভাৰপ্ৰাপ্ত বিষয়াৰ নামত নকল সোণৰ সৰবৰাহকাৰী আৰু জালনোট চক্ৰক ৰক্ষণাবেক্ষণ দিয়াৰ নামত ধন সংগ্ৰহ কৰাৰ অভিযোগ উদ্থাপিত হৈছিল ৷
আনকি উদ্থাপিত অভিযোগ মতে হাছিনা বেগমৰ কথা মতে কাম নকৰা আৰক্ষী বিষয়াক বদলি কৰাৰ ভাবুকি দিয়ে। এনে বহু অভিযোগ অনুসৰি আৰক্ষীয়ে ৰজু কৰিছিল বঙালমৰাৰ হাছিনা বেগমৰ বিৰুদ্ধে ৷
আনহাতে আৰক্ষীৰ কঠোৰস্থিতিৰ পাছতে আত্মগোপন কৰি আছিল গুৱাহাটীত। অৱশেষত বিশেষ খবৰৰ ভিত্তিত লখিমপুৰ আৰক্ষীয়ে মহানগৰ আৰক্ষীৰ সহযোগত শুক্ৰবাৰে নিশা হাছিনা বেগমক গণেশগুৰিৰ এখন ল’জৰ পৰা গ্ৰেপ্তাৰ কৰে । হাছিনাৰ স’তে একেটা কোঠাৰ পৰা গ্ৰেপ্তাৰ কৰে তেওঁৰ আন এজন সহযোগী ফকৰুদ্দিনক৷
স্মতৰ্ৱ্য যে এছ আই জোনমণি ৰাভা মৃত্যুৰ ঘটনা সন্দৰ্ভত লখিমপুৰ আৰক্ষীয়ে নকল সোণ আৰু জাল নোটৰ সৰবৰাহকাৰীৰ বিৰুদ্ধে ব্যাপক অভিযান চলোৱাৰ সময়ত এই গৰাকী হাছিনা বেগম হঠাতে আত্মপ্ৰকাশ ঘটিছিল ৷ নিজকে এই অপৰাধী চক্ৰৰ বিৰুদ্ধে সক্ৰিয় ভূমিকা লৈ থকা বুলি কৈ নকল সোণ আৰু জাল নোটৰ সৰবৰাহকাৰীৰ এখন তালিকা ডিজিপিৰ হাতত প্ৰদান কৰি সেই সময়ত বিশেষভাৱে চৰ্চিত হৈ পৰিছিল হাছিনা ।