Guwahati Armed Robbers Loot:
ক্ৰমাৎ অপৰাধীৰ ভুস্বৰ্গলৈ পৰ্যবেশিত হৈছে গুৱাহাটী মহানগৰ ৷ মহানগৰৰ স্মাৰ্ট আৰক্ষীক বুঢ়াআঙুলি দেখুৱাই অপৰাধীয়ে ইটোৰ পাছত সিটোকৈ সংঘটিত কৰি গৈছে অপৰাধজনিত ঘটনা ৷ শুক্ৰবাৰে দিনদুপৰতে পুৱাতে মহানগৰীৰ সদাব্যস্ত পানবজাৰত দুৰ্বৃত্তই পিষ্টল দেখুৱাই এখন ই- ৰিক্সা চালকৰ পৰা লুটিলে ধন ৷
ADVERTISEMENT
উল্লেখ্য যে পানবজাৰৰ এখন হোটেলৰ পৰা দুই দুৰ্বৃত্ত উঠি কিছুদূৰ যোৱাৰ পিছত ই- ৰিক্সা চালকজনক পিষ্টল টোৱাঁই নগদ ধন আৰু ম’বাইলটো লুটপাত কৰাৰ লগতে ই- ৰিক্সা খনো লৈ যাবলৈ উদ্যত হয় ৷ কিন্ত ই- ৰিক্সা চালকজনে হুলস্থূল কৰাত স্থানীয় লোক গোট খোৱাত শূন্যলৈ কে’বাজাই গুলীচালনা কৰি ঘটনাস্থলীৰ পৰা পলায়ন কৰে দুই দুৰ্বৃত্তই ৷
পিছত ঘটনাৰ সম্ভেদ লাভ কৰি ঘটনাস্থলীত পানবজাৰ আৰক্ষী উপস্থিত হৈ আৰম্ভ কৰিছে তদন্ত।
