Raw agent Vikas Yadav is involved in the murder of Khalistani leader Gurpatwant Singh Pannun:
ভাৰত চৰকাৰৰ নিষিদ্ধ ঘোষিত সংগঠন শিখ ফৰ জাষ্টিছৰ নেতা তথা আমেৰিকান নাগৰিক গুৰপতৱন্ত পান্নুনক হত্যাৰ ষড়যন্ত্ৰত জড়িত আছিল এজন ৰ’ বিষয়া। এই গুৰুতৰ অভিযোগ মাৰ্কিন গুপ্তচৰ সন্থা এফ বি আইৰ ৷
প্ৰধানমন্ত্ৰী নৰেন্দ্ৰ মোদীৰ আমেৰিকা ভ্ৰমণৰ সময়ছোৱাত বিচ্ছিন্নতাবাদী শিখ আমেৰিকান নাগৰিক গুৰপতৱন্ত পান্নুনক হত্যাৰ ষড়যন্ত্ৰত জড়িত আছিল ৰ’ৰ বিষয়া বিকাশ যাদৱ ৷ ইতিমধ্যে ম’ষ্ট ৱান্টেড ঘোষণা আমেৰিকান চোৰাংচোৱা সংস্থা FBIৰ । আনকি বিকাশ যাদৱৰ পোষ্টাৰ জাৰি কৰিছে এফবিআই-এ ৷
মনকৰিবলগীয়া যে,যাদৱক তিনিটা গোচৰত অভিযুক্ত কৰিছে এফবিআই-এ ৷ ইয়াৰ ভিতৰত আছে হত্যাৰ বাবে ভাৰাতীয় নিযুক্ত কৰা আৰু ধন সৰবৰাহৰ ষড়যন্ত্ৰ ।
আনহাতে এফ বি আইৰ এই অভিযোগ একেমুখে নাকচ কৰিছে ভাৰতৰ বিদেশ মন্ত্ৰালয়ে ৷ মন্ত্ৰালয়ে কয়,ভাৰতৰ হৈ কাম নকৰে বিকাশ যাদৱে ৷ তেওঁ ৰ’ৰ বিষয়া নহয় ৷
শিখ আমেৰিকান নাগৰিক গুৰপতৱন্ত পান্নুনক হত্যাক কেন্দ্ৰ কৰি ভাৰতৰে আমেৰিকাৰ কুটনৈতিক সম্বন্ধত ফাঁট মেলাৰ আশংকা কৰিছে সচেতন মহলে ৷